Zokirjon Nurmatov: "Bunyodkor" bilan shartnomam tugamoqda"

Bundan tashqari klubning bir qator yoshlari asosiy jamoa bilan birga mashg'ulot o'tkazishmoqda. Ana shunday yoshlardan biri Zokirjon Nurmatovni suhbatga tordik.

-Zokirjon, "Bunyodkor" jamoasi yangi mavsumga tayyorgarlikni boshladi. SHu haqida fikrlaringiz qanday?
-Ha mashg'ulotlarni boshladik. Mashg'ulot davomida engil mashqlarni bajardik.

-Jamoaga yangi kelib qo'shilganlar bormi?
-Ha bor. “Neftchi”dan SHukur Po'latov, Xurshid Xo'jaev, Islom Yoqubov, “Nasaf”dan Jahongir Jiyamurodov, “Buxoro”dan Vohid SHodiev biz bilan birga mashg'ulot o'tkazishmoqda.

-Jamoa bilan tuzgan shartnomangiz tugab borayapti...
-Ha. 31 dekabr kuni jamoa bilan tuzgan shartnomam tugaydi.

-Klubdagilar yangi bitim taklif etishdimi?
-Xozircha yo'q.

-Bo'lmasa boshqa jamoalardan chorlovlar bo'layotgandir?
-Yashira olmayman. Ikki jamoadan jiddiy taklif tushdi.

-Aynan qaysi jamoalardan?
-Bunisini ayta olmayman.

-Takliflarni ko'rib chiqsangiz kerak?
- Agar “Bunyodkor” yangi shartnoma taklif qilmasa takliflarni ko'rib chiqmoqchiman. CHunki “Bunyodkor”da ko'p vaqt o'yin amaliyotisiz qolib ketdim.


Komiljon Ikromov suhbatlashdi.