Zlatan "Manchester Yunayted"dagi faoliyatini yodga oldi: "Hey, bolakay! Sen dunyoning eng yaxshi futbolchisini tanimayapsanmi?"

"Bir narsa meni hayron qoldirgan. Barchamiz "Manchester Yunayted"ni top-klub sifatida bilamiz, men ham shunday o'ylagandim. Biroq bir kuni kichik detalni sezib qoldim.

Bir kuni o'yindan oldin mehmonxonaga bordik. Nimadir ichgim keldim va mini-bardan mevali sharbat ichdim. O'yinni yakunlab uyga qaytdik.

Oradan vaqt o'tdi. Maoshimizni o'tkazib berishdi. Odatda men bunga yil oxirida qarardim. Biroq bu safar nimadir sabab bilan maoshimni tekshirdim. Klub maoshimdan 1 funt ushlab qolibdi.

Jamoa menejeriga qo'ng'iroq qildim: "Kechirasiz, nega maoshim 1 funt kam?". U menga: "Bu mevali sharbatning puli". "Nima, xazillashyapsizmi?", deb so'radim. "Yo'q. Bu erda olgan narsangga pul to'lashing kerak", deb javob berdi menejer.

Mehmonxonaga o'zim istab borganim yo'q. Dam olishda ham emasdim. Bu er mening ish joyim. Nimani istasam qilishim kerak, nimani istasam ichishim kerak. Maydonda istalgan narsa kuch berishi mumkin.

Funt?! Tasavvur qilyapsizmi, bir funt! Italiyada bunday holat umuman bo'lmaydi. Bu futbolchilarning hurmatini ifodalaydigan oddiy nyuans.

Yana har kuni klub qarorgohiga kirish uchun hujjatlarni tekshirtirish kerak. Bir kuni qorovullarning oynasiga hujjatimni ko'rsatib: "Hey, bolakay! Bu erda o'ynayotganimga bir oydan oshdi. Sen dunyoning eng yaxshi futbolchisini tanimayapsanmi, demak, o'zing istayotgan ishda emassan", deb qo'ygandim", - dedi 40 yoshli Zlatan.