Златан "Манчестер Юнайтед"даги фаолиятини ёдга олди: "Ҳей, болакай! Сен дунёнинг энг яхши футболчисини танимаяпсанми?"

"Бир нарса мени ҳайрон қолдирган. Барчамиз "Манчестер Юнайтед"ни топ-клуб сифатида биламиз, мен ҳам шундай ўйлагандим. Бироқ бир куни кичик детални сезиб қолдим.

Бир куни ўйиндан олдин меҳмонхонага бордик. Нимадир ичгим келдим ва мини-бардан мевали шарбат ичдим. Ўйинни якунлаб уйга қайтдик.

Орадан вақт ўтди. Маошимизни ўтказиб беришди. Одатда мен бунга йил охирида қарардим. Бироқ бу сафар нимадир сабаб билан маошимни текширдим. Клуб маошимдан 1 фунт ушлаб қолибди.

Жамоа менежерига қўнғироқ қилдим: "Кечирасиз, нега маошим 1 фунт кам?". У менга: "Бу мевали шарбатнинг пули". "Нима, хазиллашяпсизми?", деб сўрадим. "Йўқ. Бу ерда олган нарсангга пул тўлашинг керак", деб жавоб берди менежер.

Меҳмонхонага ўзим истаб борганим йўқ. Дам олишда ҳам эмасдим. Бу ер менинг иш жойим. Нимани истасам қилишим керак, нимани истасам ичишим керак. Майдонда исталган нарса куч бериши мумкин.

Фунт?! Тасаввур қиляпсизми, бир фунт! Италияда бундай ҳолат умуман бўлмайди. Бу футболчиларнинг ҳурматини ифодалайдиган оддий ньюанс.

Яна ҳар куни клуб қароргоҳига кириш учун ҳужжатларни текширтириш керак. Бир куни қоровулларнинг ойнасига ҳужжатимни кўрсатиб: "Ҳей, болакай! Бу ерда ўйнаётганимга бир ойдан ошди. Сен дунёнинг энг яхши футболчисини танимаяпсанми, демак, ўзинг истаётган ишда эмассан", деб қўйгандим", - деди 40 ёшли Златан.