JCH-2014. Mundial ishtirokchilari - Belgiya

Belgiya evropaning o'rtamiyoan jamoasi sifatida tilga olinib kelinadi. So'nggi yillarda aynan shu o'rtamiyona jamoa o'z mavqeini yanada tushirib yuborayotgan edi. Belgiyaliklar shu kungacha 11 marotaba mnudialda ishtirok etishgan. Jahon chempionatidagi eng yuqori natijalariga 1986 yilda o'tkazilgan mundialda to'rtinchi o'rin bilan taqdirlanishgan edi. Aynan o'sha chempionatda Belgiya o'z tarixida birinchi bor yarim finalgacha etib borgan.
Belgiya 2002 yilga qadar mundialda muntazam ishtirok etib kelayotgandi. Ammo 2002 yildan so'ng biroz uzilish ruy berdi. Belgiyada ayni shu davr ichida avlodlar almashuvi kuzatildi. Emil Mpenza, Mbo Mpenza, Vilmots, Valem kabi futbolchilarning terma jamoadan ketishlari va yangi jamoani shakllanishi ancha vaqt talab qildi. Sanab o'tilgan futbolchilardan keyingi avlod ishonchni oqlay olmadi va belgiya ketma-ket ikkita mundialga yo'llanmani qo'ldan boy berdi. Nihoyat 2002 yilgi mundialdan so'ng faoliyatini tugatgan Mark Vilmots, 2012 yilga kelib terma jamoa ruliga o'tirdi. Aynan ushbu mutaxassis qo'li ostida Belgiya yorqin o'yinlar ko'rsata boshladi. Vilmotsning yutug'i bu yoshlarga ishongani va ularga qo'rqmasdan imkoniyat bergani bo'ldi. Endigina ko'zga ko'ringan Romelu Lukaku, Eden Azar, Fellayni, Vermalen kabi futbolchilarga terma jamoa eshigini ochdi. Bu imkoniyatdan esa futbolchilar ham unumli foydalanishdi va murabbiy ishonchini oqlashdi. Umuman olganda, Belgiyada etarlicha iqtidor va istedod sohiblari bo'lgan. Mark Vilmots qo'li ostidagi iqtidorlardan to'g'ri foydalana oldi va ularni yangi pog'onaga chiqishlarida ham o'zining hissasini qo'shdi. Ayni paytda Belgiya eng iqtidorli yosh istedod sohiblari mamlakati deya tariflanmoqda. Eden Azar, Kurtua, Minole, Benteke, Lukaku, Vermalen, Vertongen, Alderverleyd, Vertongen, de Bruyne, Vitsel, Dembele, Yanuzay, SHadli singari futbolchilar nafaqat Belgiyaning, balki evropaning eng istedodli futbolchilari sifatida qaralmoqda. Belgiyaning hozirgi tarkibida 2002 mundialda ishtirok etgan yagona futbolchi Daniel van Buyten ham bor. Ushbu futbolchi ayni paytda asosiy tarkib futbolchisi bo'lmasada, Vilmots uni mundialga olib ketdi. "Bavariya" himoyachisining boy tajribasi jamoadoshlariga qo'l kelishi mumkin. 

Belgiya ushbu mundialda favoritlar qatorida tilga olinmoqda. Garchi belgiyalik futbolchilar ancha yosh bo'lishlariga qarmasdan, ularni to'plagan tajribalari jahon chempionatida qo'l kelishi mumkin. Belgiya "H" guruhida Rossiya, Koreya va Jazoir kabi jamoalar bilan bahslashadi. Mark Vilmots jamoasi ushbu chempionatda istalgan raqibga etarlicha tashvish tug'dira olishadi.


Belgiya terma jamoasi haqida:

Tashkil topgan yil: 1904

Mintaqasi: UEFA

Bosh murabbiy: Mark Vilmots

Jamoa sardori: Vensan Kompani

Eng ko'p o'yin o'tkazgan futbolchi: Yan Kulemans (96 o'yin)

Eng yaxshi to'purar: Vorxof (30 gol)

FIFA reytingidagi o'rni: 11

Ilk o'yin: Belgiya - Franciya 3:3 (1904 yil)

Eng yirik g'alaba: Belgiya - San-Marino 10:1 (2001 yil)

Eng yirik mag'lubiyat: Gollandiya - Belgiya 9:1 (1959 yil)

Erishgan yutuqlari:
Olimpiya o'yinlari g'olibi: 1920
Evropa chempionati kumush medali sohibi: (1980)
Evropa chempionati bronza medali sohibi: (1972)

Belgiyaning yakuniy tarkibi:

Darvozabonlar: Tibo Kurtua ("Atletiko", Ispaniya), Simon Minole ("Liverpul", Angliya), Sami Byussut ("Zyulte", Belgiya);

Himoyachilar: Tobi Alderveyreld ("Atletiko", Ispaniya), Entoni Vanden Borre ("Anderlext", Belgiya), Loran Siman ("Standard", Belgiya), Vensan Kompani ("Manchester Siti", Angliya), Daniel van Byuyten ("Bavariya", Germaniya), Tomas Vermalen ("Arsenal", Angliya), Nikolas Lomberts ("Zenit", Rossiya), Yan Vertongen ("Tottenxem", Angliya);

Yarim himoyachilar: Aksel Vitsel ("Zenit", Rossiya), Maruan Fellayni ("Manchester Yunayted", Angliya), Mussa Dembele, Naser SHadli (ikkisi - "Tottenxem", Angliya), Kevin de Breyne ("Volfsburg", Germaniya), Stiven Defur ("Portu", Portugaliya), Eden Azar ("CHelsi"), Dris Mertens ("Napoli", Italiya), Kevin Miralyas ("Everton", Angliya), Adnan Yanuzay ("Manchester Yunayted", Angliya);

Hujumchilar: Romelu Lukaku ("Everton", Angliya), Divok Oriji ("Lill", Franciya).  

SHahboz Beg'amov tayyorladi.