JCH-2014. GANA-AQSH. PREVYU

Bu jamoalar jahon chempionatlari final bosqichida ketma-ket uchinchi marta to'qnash kelishyapti. Germaniya-2006da guruhda Gana 2:1 hisobida zafar quchgan. JAR-2010da esa nimchorak finaldagi to'qnashuvda yana afrikaliklar 2:1 hisobida g'alaba qozonganlar. O'shanda Boateng va Gyanning gollariga Donovan javob qaytargandi. Bu jamoalar 2 bor, unda ham mundiallarda bellashib ko'rishgan.



Gana ham, AQSH ham jahon chempionatiga yaxshi tayyorgarlik ko'rdi. Tarkib borasida muammolar deyarli uchramadi.

Guruhda Germaniya va Portugaliya borligi sababli o'zaro bellashuvda yutgan jamoa nimchorak final uchun kurashni davom ettiradi. Ganada Asamoa, Boateng, Muntari, aka-uka Ayyu va Gyanlarning mahorati qo'l kelishi taxmin qilinmoqda. AQSHda esa Klinsmann Dempsi, Altidor, Bredli, Bizli kabi shogirdlaridan faolroq o'ynashni talab qilsa ajab emas.



Har ikki jamoa guruh favoritlariga kutilmagan syurpriz taqdim etish imkoniyatiga ega. Faqat buning uchun bir bosh balandga sakrashlari talab etiladi.
AQSH JCHlardagi oxirgi 23 o'yindan 2tasida gol o'tkazib yubormagan. Damarkus Bizli esa 4 mundialda qatnashgan va maydonga tushgan birinchi amerikalik futbolchiga aylanib olishi mumkin.



GANA - AQSH
Natal. "Das Dunas" stadioni. 03:00
Bosh hakam: Yonas Eriksson (SHveciya).
Taxminiy tarkiblar
Gana: Kvarasi - Afful, Mensa, Boye, Asamoa - Rabiu, Boateng, Muntari - J.Ayyu, Gyan, A.Ayyu.
AQSH: Xovard - Jonson, Kemeron, Besler, Bizli - Zusi, Jons, Bredli, Bedoyya - Dempsi - Altidor.
Jarohatlangan: Uoris (Gana).


Behzod Nazarov tayyorladi.