JCH-2014. "B" guruhida Gollandiya birinchi bo'ldi
24 iyu 2014 00:30
Yangiliklar

JCH-2014. "B" guruhida Gollandiya birinchi bo'ldi

Braziliyadagi mundialning "B" guruhida 3-tur o'yinlari yakunlandi.

O'tgan turda keyingi bosqichga chiqqan ikki jamoa nomi malum bo'lib ulgurgandi. Gollandiya va CHili o'rtasidagi bahs guruh g'olibini aniqlab berishi kerak edi.

Bahsda ikkala jamoa ancha ehtiyotkor tarzda o'ynadi. SHu bois ham ilk bo'limda hisob ochilmadi. Ikkinchi bo'limda zaxiradan o'yinga qo'shilgan Leroy Fer boshi bilan chiroyli gol urib hisobni ochdi. Bahs so'nggida van Gal tomonidan ikkinchi bo'limda maydonga tushirilgan Depay o'zini ko'rsatdi - 2:0. Gollandiya guruhda birinchi o'rinni qo'lga kiritdi. CHili esa ikkinchi bo'ldi.

Avstraliya va Ispaniya o'rtasidagi bahsda amaldagi jahon chempionlari raqib darvozasiga javobsiz uchta gol urishdi. Birinchi bo'limda terma jamoa safidagi oxirgi o'yinini o'tkazgan David Vilya chiroyli gol urdi. Ikkinchi taymda Fernando Torres va Xuan Mata o'z nomlarini tabloga yozdirib qo'yishdi - 0:3.

Endi Gollandiya va CHili "A" guruhida dastlabki ikki o'rinni band etgan jamoalarga qarshi maydonga tushishadi.

Avstraliya - Ispaniya 0:3
23 iyun. 21:00
Bosh hakam: Navaf SHukralla (Bahrayn)
Gollar: Vilya 36, Torres 69, Mata 82
Avstraliya: Rayan, Makgovan, Uilkinson, Spiranovich, Devidson, Yedinak, Makkay, Leki, Bozanich, Oar (14.Troisi, 61), Taggart (Xalloran, 46)
Ispaniya: Reyna, Xuanfran, Albiol, Ramos, Alba, Koke, Alonso (21.Silva, 83), Kasorla (10.Fabregas, 68), Vilya (Mata, 56), Torres, Inesta
Ogohlantirishlar: Spiranovich 88 - Ramos 62

GOLLANDIYA - CHILI 2:0
21:00. San-Paulo. "Korintians Arena".
Bosh hakam: Bakari Gassama (Gambiya).
Gollar: 1:0 – 77 Fer, 2:0 – 90 Depay.
Gollandiya – Silessen, Yanmat, de Vrey, Vlar, Blind, N. de Yong, Veynaldum, Sneyder (Fer, 75), Robben, Kyuyt (Kongolo, 89), Lens (Depay, 69).
CHili – Bravo, Xara, Medel, Silva (Valdiviya, 70), Isla, Dias, Guterres (Bosejur, 46), Mena, Arangis, Sanches, Vargas (Pinilya, 81).
Ogohlantirishlar: Silva (25), Blind (64).