JCH-2014. Argentina so'nggi soniyalardagi gol evaziga chorak finalga chiqdi

SHveycariyaga qarshi o'yindan oldin barcha Messi va uning jamoasini chorak finalga osonlik bilan chiqishini taxmin qilgandi. Biroq ushbu mundial bunday taxminlar uchun emasligini isbotlashda davom etmoqda.

27-daqiqada o'yinning eng birinchi xavfli vaziyatini Granit Jaka yuzaga keltirdi. Jarima maydoni ichidan darvozaga yo'llagan zarbasidan so'ng to'pni Romero qaytardi.



38-daqiqada Drmich hisobni ochishga yaqin kelgandi. U birga bir vaziyatga chiqib borib to'pni Romeroning qo'llariga yo'llab qo'ydi.

Ikkinchi bo'lim boshida Roxoning yaqin masofadan yo'llagan zarbasini Benalo qaytardi. 62-daqiqada Iguainning zarbasini darvozabon bartaraf etdi, oradan 5 daqiqa o'tgach Messining zarbasiga biroz aniqlik etishmadi.

78-daqiqada Messi jarima maydoni ichida to'pni darvozaga yo'lladi, posbon to'pni qaytardi! O'yinning asosiy vaqtida hisob ochilmadi.

Uchrashuv taqdirini hal qilgan vaziyat 118-daqiqada sodir bo'ldi. Barcha penaltilar seriyasiga tayyor bo'lib turgan vaqtda Lixtshtayner to'pni yo'qotib qo'yadi, Messi to'p bilan oldinga o'tib o'ng qanotda bo'sh turgan Di Mariyaga uni oshirdi. Yarim himoyachining chap oyog'i bilan yo'llagan zarbasi darvozadan o'rin oldi - 1:0.



So'nggi soniyalarda SHveycariya katta kuch bilan oldinga bordi. Qanotdan oshirilgan to'pni Dzemaili boshi bilan darvozaga yo'lladi, to'p ustunga tegib yana o'ziga qaytdi va zarba noaniq ketdi.

SHunday qilib Argentina chorak finalga yo'llanma oldi. Uning raqibi Belgiya va AQSH o'rtasidagi o'yinda malum bo'ladi.



Argentina - SHveycariya 1:0
1 iyul. 21:00
Bosh hakam: Yunas Eriksson (SHveciya)
Yordamchi hakamlar: Matias Klasenius (SHveciya), Daniel Varnmark (SHveciya)
Zaxira hakami: Sveyn Oddvar Mun (Norvegiya).

GOL: Di Mariya 118

Argentina: Romero, Sabaleta, Garay, Fernandes, Roxo (Basanta, 105), Gago (Bigliya 106), Maskerano, Di Mariya, Messi, Lavessi (Palasio, 74), Iguain

SHveycariya: Benalo, Lixtshtayner, SHer, Juru, Rodriges, Bexrami, Inler, Jaka (Fernandes, 65), SHakiri, Mexmedi (Dzemaili, 113), Drmich (Seferovich, 82)

Ogohlantirishlar: Jaka 36, Fernandes 72, Di Mariya 119, Garay 120+3


Narzulla Saydullaev