Zepp Blatter Qrim klublari Ukraina ligalarida o'ynashi kerakligini takidladi

Biz Qrim futbolining Rossiyaga qo'shilishi masalasini muhokama qilganimiz yo'q. Umuman, Qrim masalasi – murakkab, chunki xalqaro nuqtai nazardan Qrim Ukrainaning hududiy birligi, – deydi Blatter.

Bu degani, agar Qrim futbol klublari professional ligalarda ishtirok etishni xohlashsa, u holda Ukraina ligalarida ishtirok etishlari mumkin, – deya qo'shimcha qildi FIFA prezidenti.

Avvalroq, Rossiya futbol ittifoqi Qrim va Sevastopol futbol federaciyalarini o'z tarkibiga qo'shib olish to'g'risidagi qarorning qabul qilinishini kechiktirgani malum bo'lgandi.

Eslatib o'tamiz, Ukrainadagi siyosiy inqiroz sabab, Qrim mart oyida referendum orqali o'z mustaqilligini elon qilib, Rossiya tarkibiga qo'shilish istagini bildirgan edi. SHundan so'ng Rossiya Qrimni o'z tarkibiga qo'shib olgan, hozirgi vaqtda Qrimni Rossiya bilan integraciya qilish bo'yicha faol harakatlar olib borilmoqda.

Biroq Qrimning maqomi yuzasidan o'tkazilgan referendum ham, uning mustaqillik elon qilgani ham, Rossiya tarkibiga qo'shilgani ham xalqaro hamjamiyat tomonidan ham, amaldagi Ukraina rahbariyati tomonidan ham tan olingani yo'q.