Zafar Polvonov: "G'alaba nimaning evaziga qo'lga kiritildi? Murabbiylarimizning tanlagan taktikasi hisobiga"

Mazkur uchrashuvdan oldin mezbonlar tarkibida ayrim yo'qotishlar mavjud edi. Yani markaziy hujumchi Mate Vatsadze jarohati bois qaydnomadan joy olmadi. Uning o'rniga asosiy tarkibdan jamoaning o'tgan yildagi to'purari Zafar Polvonov o'rin egalladi. Garchi, futbolchi bugun maydonni golsiz tark etgan bo'lsa-da, yomon o'yin namoyish qilmadi. Bellashuvdan so'ng Polvonov fikrlari bilan qiziqdik.

“Umuman olganda bugungi bahs haqida ijobiy fikr bildirishim mumkin. Birinchi galda jamoadoshlarimga katta rahmat aytaman. Muxlislar uchun qiziqarli o'yin bo'ldi. Stadionga tashrif buyurgan kam sonli ishqibozlar o'zgacha zavq olishdi. Ularga ohirgacha bizni olqishlab turishgani uchun tashakkur bildrib qolaman. G'alaba nimaning evaziga qo'lga kiritildi? Avvalambor bu murabbiylarning tanlagan taktikasining samarasi. O'tgan turlardan so'ng o'z ustimizda ishladik, yagona maqsad va g'alaba ostida birlashdik. Bugungi yutuqda murabbiylar shtabining hissasi katta. Superliganing kuchli klublaridan birini mag'lub etganimizdan xursandmiz. Bu bilan to'xtab qolmoqchi emasmiz. Mavsum davom etadi. Qiyin o'yinlar kutib turibdi. “Bunyodkor”ga keyingi turlarda omad va zafarlar tilab qolaman”, - dedi AGMK futbolchisi.

Abdulaziz Iskandarov yozib oldi.