Yaponiya yangi bosh murabbiyni tanishtirdi

Endilikda bu jamoani 49 yoshli Xajime Moriyasu boshqaradi. Malumki, yaponlar JCH-2018da Osiyo jamoalari orasida eng yaxshi natijani qayd etishdi. Enlilikda bu jamoa kelajakka umid bilan boqmoqda.

Moriyasu terma jamoani avvalgi murabbiy Akira Nishinodan qabul qilib oldi. Nishino boshchiligidagi "samuraylar" jahon chempionatida muvaffaqiyatli ishtirok etib, guruhdan chiqishga muvaffaq bo'ldi. Xajime Moriyasu bir paytning o'zida Yaponiya U-21 terma jamoasini ham boshqaradi. Bu jamoa Olimpiada o'yinlari-2020 musobaqasida ishtirok etadi.

Yaponiya futbol federaciyasi yangi murabbiy ishtirokida matbuot anjumani tashkil etdi. Xajime Moriyasu jurnalistlarning savollariga javob berar ekan shunday dedi: "Terma jamoa jahon chempionatida yaxshi ishtirok etdi. Endi Osiyo Kubogida ham o'zimizni ko'rsatishimiz kerak. Ungacha esa jamoada bir qancha o'zgarishlar bo'ladi. Avlodlar almashinuvi amalga oshiriladi. Yoshi kattalar o'rnini yoshlar egallaydi. Biz turli avlod vakillaridan bitta yaxlit jamoa tuzishga harakat qilamiz".

Moriyasu murabbiylik faoliyati davomida "Sanfrechche Xirosima" klubini 2012, 2013, 2015 yillarda uch marta chempionlikka boshlab kelgan. U bilan to'rt yillik shartnoma imzolandi hamda birinchi musobaqasi Osiyo Kubogi-2019 bo'ladi. Ushbu turnirda yaponlar "F" guruhida O'zbekiston, Turkmaniston va Ummonga qarshi bahs olib borishadi.