Yangilangan O'FF totalizatorga qarshi kurashni boshladi!

Aynan shu tashkilotning O'FFga yozgan navbatdagi xati "Obod"ga nisbatan chora ko'rilishi bilan yakunlandi. Yaqindagina PFLning rasmiy saytida chiqqan xabarda shunday yoziladi:

"SHu bilan birga Oliy liganing 20-turi doirasidagi “Obod” – “So'g'diyona” (2:4) va 22-turidan o'rin olgan “Obod” – “Nasaf” (0:6) o'yinlarida qayd etilgan natijalarning shubhali ekanligi aytilgan “Federbet” xalqaro notijorat federaciyasining O'zbekiston Futbol Federaciyasiga yozgan xati ham O'zPFL Ijroqo'mining yakuniy qaror qabul qilishida asos bo'lib xizmat qildi".

“Federbet” qanday qilib uyushtirilgan natijalarni aniqlaydi?
Aniq bir o'yinga muddatidan avval aniq bir yirik hisob uchun stavkalar ko'payib ketadi. Kichik hisob qayd etilib turgan o'yinlarning so'nggi daqiqalarida gollar ko'payib ketadi va uning ketma-ketligi ham bashoratchilar tomonidan aniq topiladi.

Tabiiyki bu totalizator kompaniyalari uchun zarar. Futbol jamoalari kelishgan holda ularni chuv tushirishga harakat qilishadi. Totalizator kompaniyalari ko'proq tennischilardan zarar ko'radilar.

Agar haqiqatdan ham O'FF har bir xatga jiddiy ahamiyat qaratadigan bo'lsa, futbolimiz yana bir qadam oldinga tashlagan bo'ladi.

Bugungi kunda O'zbekiston chempionatining birinchi ligasida afsuski, isbotimiz yo'q, bunday holatlar juda ko'p kuzatilishi yuqoridagi kompaniya tomonidan aytib kelinadi. Aftidan bu ketishda 2018 yil jiddiy ishlar olib boriladi.

Mazkur ishni oxirigacha etkazishda O'FFga omad tilaymiz! SHu kabi ishlarni amalga oshirgan murabbiylarni esa licenziyasidan bir umrga mahrum qilishni taklif etamiz.