"Xavotirga o'rin yo'q, tarkibga yoshlar jalb qilinadi"
21 fev 2021 08:31
Yangiliklar
![](https://championat.asia/upload/storage/621448_original.jpg)
![](/upload/storage/621448_220.jpg)
"Xavotirga o'rin yo'q, tarkibga yoshlar jalb qilinadi"
"Qura haqida fikr bildiradigan bo'lsam, birinchi turda Jizzaxning "So'g'diyona" jamoasiga qarshi maydonga chiqamiz. Bu klubni juda ham hurmat qilaman. Jamoa bosh murabbiyi Ulug'bek Baqoev ham yaxshi mutaxassis. Mavsumning ilk o'yini hayajonlarga boy qiziqarli o'tadi. O'z maydonimizda bo'lib o'tadigan bahsda muxlislarimizni xursand qilishga harakat qilamiz.
Tarkibda bu yil uslubimga mos keladigan futbolchilarni qoldirdim. O'zagi saqlanib qolindi. Yangi qo'shilgan ijrochilardan xursandman. Faqatgina, ularni yagona maqsad ostida birlashtirish qoldi. Hozir shuning ustida ishlayapmiz. Ming kuchli tarkib yig'ilgan taqdirda ham, jamoa bitta oila bo'la olmasa qiyin.
“Serbiyalik futbolchilardan ko'ra, yoshlarni o'ynatsa bo'lmaydimi?” degan gap so'zlarni eshitdim. Jamoani ichida bo'lgan, holatni his qilgan odam gapirsa yarashadi. Bizning oldimizga aniq maqsad qo'yilgan. Yoshlar bilan bir nechta o'yinda mag'lub bo'lsak muxlislar meni noto'g'ri tushunadi. Hozirgi tarkibga albatta yoshlar qo'shiladi. Birdaniga yoshartirib bo'lmaydi. Masalan, Turkiya yig'inida bir nechta yoshlarni sinovdan o'tkazdik. Xavotirga o'rin yo'q, yoshlar jalb qilinadi. Ularga etibor beriladi",- deydi No'mon Hasanov.
Abdulaziz ISKANDAROV yozib oldi.
O’xshash yangiliklar
![AMP Logo](https://championat.asia/image/logo-amp.png)
Fikrlar