Vitaliy Suyunov vafot etdi
27 apr 2016 11:01
Yangiliklar
![](https://championat.asia/upload/storage/206224_original.jpg)
![](/upload/storage/206224_220.jpg)
Vitaliy Suyunov vafot etdi
“Paxtakor” afsonalaridan biri bo'lgan Vitaliy Suyunov ushbu jamoa safidagi faoliyatini 1960 yilda boshlagan va sakkiz mavsum davomida ushbu jamoa sharafini himoya qilgan va jamoaning asosiy himoyachilaridan biri sifatida ko'plab o'yinlarda maydonga tushgan. Birgina chempionat doirasida u “Paxtakor” tarkibida ikki yuzdan ortiq o'yinda ishtirok etgan. SHuningdek, mamlakat kubogi va ko'plab xalqaro musobaqalarda qatnashgan.
Futbolchilik faoliyatini yakunlagach, Vitaliy Suyunov murabbiy sifatida ish boshladi. U boshqargan ilk klub “Paxtaorol” edi (1969). 30 yildan ortiqroq davom etgan murabbiylik faoliyati davomida u O'zbekistonning ko'plab jamoalarida ish olib bordi. Mamlakatning turli yoshdagi terma jamoalari bilan ham ishladi. Biroq uning faoliyatidagi eng yorqin davr sifatida “Paxtakor” safida o'ynagan yillari yodga olinadi.
O’xshash yangiliklar
![AMP Logo](https://championat.asia/image/logo-amp.png)
Fikrlar