Villian muxlislarning tahdidi sabab "Korintians" bilan shartnomasini bekor qildi

Klub matbuot xizmatining xabariga ko'ra, rahbariyat 34 yoshli o'yinchining shartnomani zudlik bilan bekor qilish borasidagi so'rovini qabul qildi. 2023 yilning so'nggiga qadar mo'ljallangan kelishuv muddatidan oldin bekor qilindi.

"Braziliyaga menga tahdid qilishlari uchun kelmadim. "Korintians" yutqazganda va o'yinim chiqmagan payti ijtimoiy tarmoqlar orqali oilamga tahdid va lanatlar yo'llanmoqda. Xotinim, qizlarim va biroz vaqtdan so'ng otam va opamga ham hujum qila boshlashdi", — deydi Villian.

Villian joriy mavsum "Korintians" safida 36ta o'yinda 1ta gol va 4ta assist qayd etdi. Transfermarkt forvardni 5,5 mln evroga baholamoqda.