Vadim Abramovning terma jamoaga qaytishi qanday bo'ldi yoxud raqamlar tilga kirganda

Ushbu voqeaga sentyabr oyida roppa-rosa 2 yil to'ladi. Xo'sh, mana shu davrda Vadim Abramov terma jamoa bilan nimaga erisha oldi va qanday natijalar qayd etdi, uning qo'l ostida qaysi futbolchilar debyut qildi? SHu va boshqa statistik malumotlarni etiboringizga havola qilamiz.

Milliy terma jamoamiz argentinalik murabbiydan so'ng Abramov qo'liga o'tgach shu vaqtga qadar 21 ta uchrashuvda ishtirok etdi. SHulardan 7tasi rasmiy o'yin (5ta g'alaba, 2ta mag'lubiyat), 14 tasi o'rtoqlik bahsi hisoblanadi (7ta g'alaba, 7ta mag'lubiyat). Mazkur bellashuvlarda vakillarimiz raqiblar darvozasini 37 bor aniq nishonga olishdi. O'z darvozalaridan 27 ta to'p olib chiqishdi. 

Mana shu davrda Abramovning murabbiylar shtabida Timur Kapadze, Mirko Yelichich, Antonio Sorioglu, Viktor Tishenko, Anvar G'ofurov, Denis Ivankov, Ravshan Haydarov — jami 7 nafar mutaxassis faoliyat olib bordi. 

1. O'zbekiston - Yaman 5:0 (rasmiy)

2. Singapur - O'zbekiston 1:3 (rasmiy)

3. O'zbekiston - Qirg'iziston 3:1 (o'rtoqlik)

4. O'zbekiston  - Saudiya Arabistoni 2:3 (rasmiy)

5. O'zbekiston - Falastin 2:0 (rasmiy)

6. Belarus - O'zbekiston 1:0 (o'rtoqlik)

7. O'zbekiston - Tojikiston 2:1 (o'rtoqlik)

8. O'zbekiston - Eron 1:2 (o'rtoqlik)

9. BAA - O'zbekiston 1:2 (o'rtoqlik)

10. Iroq - O'zbekiston 2:1 (o'rtoqlik)

11. Suriya  -  O'zbekiston 1-0 (o'rtoqlik)

12. "Zenit" - O'zbekiston 4:0 (o'rtoqlik)

13. O'zbekiston - Iordaniya 2:0 (o'rtoqlik)

14. "SHaxtyor" - O'zbekiston 3:0 (o'rtoqlik)

15. O'zbekiston - Gana 2:1 (o'rtoqlik)

16. O'zbekiston - Iroq 0:1 (o'rtoqlik)

17. O'zbekiston - Turkmaniston 2:1 (o'rtoqlik)

18. Tailand - O'zbekiston 1:4 (o'rtoqlik)

19. O'zbekiston - Singapur 5:0 (rasmiy)

20. Yaman - O'zbekiston 0:1 (rasmiy)

21. Saudiya Arabistoni - O'zbekiston 3:0 (rasmiy)

Vadim Abramov boshchiligida terma jamoada 2 yil ichida quyidagi futbolchilar debyut qildi: Igor Golban, Sanjar Qodirqulov, Farrux Ikromov, Abduvohid Nematov, Abror Ismoilov, Umar Eshmurodov, Akmal Mozgavoy, Husniddin Aliqulov, SHahzod Ubaydullaev, Nurillo To'xtasinov, Xojimat Erkinov, Oybek Bozorov, Iskandar SHoyqulov, Ibrohimhalil Yo'ldoshev, Mirjahon Mirahmadov, Javohir Ilyosov, Jasur Jaloliddinov, Humoyun Murtazoev, SHohruz Norxonov, SHarof Muhiddinov. 

Abdulaziz Iskandarov tayyorladi