Vadim Abramov: "Zominga Germaniya terma jamoasi kelsa ham qiyinchilikka duch keladi"

"Bugungi maydonda istalgan jamoa qiynaladi. Bu erda Germaniya terma jamoasi kelsa ham qiyinchilikka duch keladi. Agar maydon holati yaxshilansa tomoshabinlar ham boshqacha futbol ko'ra boshlashadi", - deb gap boshladi Vadim Abramov.

"Alisher SHog'ulomov faqat bitta taym o'ynayotganining sababi bizda bir nechta kuchli hujumchilarimiz bor. Barchaga birdek imkoniyat berayapmiz".

"Bunday maydonda kombinaciya qilishning iloji yo'q, to'pni oldinga tepib yuborsangiz har doim ham g'alaba qozona olmaysiz. Sifatsiz maydonga tayyorlanib bo'lmaydi, to'pning qaerga borishini oldindan bilib bo'lmaydi".

"Hakamlar ikkala tomonga xato qilishadi, aslida mezbonlar tomoniga xato qilsa muxlislar jim o'tirishadi. Aksincha bo'lsa muxlislar baqirishadi, buning oqibatida boshqacha manzara hosil bo'ladi".

"Agar "Lokomotiv" OCHL yo'llanmasini qo'lga kiritsa, O'zbekiston nomini munosib himoya qilamiz".

"Klubimiz tarkibidan qancha ko'p futbolchi terma jamoaga chaqiruv olishsa bundan xursand bo'lamiz. Terma jamoa qanchalik yuqori o'rinni olsa bizga ham yaxshi", - deydi Vadim Abramov.