Vadim Abramov: "Lutfulla To'raevning yo'qligi bilindi albatta"

"Menimcha bugungi natija o'yinga mos bo'ldi. Agar biz birinchi hisobni ochganimizda boshqacha o'yin bo'lishi mumkin edi. 0:2 hisobida yutqazib turib durangga erishsang baribir qoniqish hosil qilasan. Yigitlarga rahmat aytaman, qiyin vaziyatda ikkita gol urishdi. Ikkala jamoa yomon o'ynashmadi deb o'ylayman. Muxlislarga balki o'yin yoqqandir.

Doimgidek 0:2dan keyin "uyg'ondik". Nima uchun birinchi taymda yomon o'ynadik? Balki bu chempionat qayta boshlanganidan keyin "Nasaf"ga nisbatan bitta o'yin ko'proq o'tkazganimiz bilan bog'liqdir.

O'yin 30 daqiqa kech boshlangani futbolchilarga qanday tasir qildi? Birinchi taymda yomon o'ynaganimizning sababi ham shu bo'lsa kerak.

Lutfulla To'raev diskvalifikaciya tufayli o'ynamadi, uning yo'qligi albatta sezildi. Uning o'rnida harakat qilgan Abdulla Abdullaev masuliyatni o'ziga olishdan qo'rqmoda. Lekin bu narsa tajriba oshgani sari keladi", - deydi Abramov.