“UzDongJu” futbol qoidalari bo'yicha seminar o'tkazdi

Jamoa bu yil kishki mavsumlar oralig'ida o'z qarorgohida yig'in o'tkazishdan tashqari malum muddat Toshkentda ham hozirlik ko'rdi. PFL Kubogida ishtirok etdi. Ayni damda esa o'z qarorgohida ekanligini aytish lozim.

“Bo'yoqchilar” qishki yig'in chog'ida selekciyaga alohida etibor qaratdi va o'z safiga birinchi liga toifasida tajrabali bo'lgan o'yinchilarni qo'shib oldi.



Yangi mavsum oldidan jamoa professionallarcha ish tutgan xolda, futbol qoidalari bo'yicha seminar tashkil etdi. Uni andijonlik hakam Akmal Rahimov olib bordi. O'z vaqtida Malayzida, OFK shtab-kvartirasida bo'lib mahoratini oshirgan Rahimov “UzDongJu” futbolchilariga futboldagi qoidalar haqida maruza o'qidi bu borada etarli tushuncha berishga xarakat qildi.



Unda Nozim Mullaoxunov va Abdurashid Ismoilov boshqaruvidagi jamoaning barcha futbolchilari ishtirok etdi va futboldagi yangi kashf etilayotgan qoidalardan boxabar bo'ldi. Bu kabi seminarlar mavsum davomida futbolchilarga asqotishi tayin.



Albatta bugungi kunda birinchi liganing ko'plab jamoalari chempionatda ishtirok etishi qiyin bo'lib turgan bir paytda “UzDongJu”ning bunday seminar tashkil etgani tahsinga loyiqdir.

Aytgancha “UzDongJu” bu yil “Joma” liboslaridan foydalanishni maqul ko'rdi.