“UzDongJu” yangi futbolchilarni sinovdan o'tkazmoqda

Abdurashid Ismoilov boshqaruvidagi jamoa o'quv mashg'ulotlarni o'z qarorgohida olib bormoqda. Yig'in davomida nazorat uchrashuvlarida ham ishtirok etib kelinmoqda. Bu orqali murabbiylar ko'rikdagi futbolchilarni sinovdan o'tkazmoqda. Jamoa mashg'ulotlarida Zokirjon Nurmatov (“Neftchi”), Jahongir Dadaboev (“Cementchi”), Dilmurod Mamayusupov (“Kosonsoy”), Xayrullo Qodirov (“Yozyovon-Lochinlari”) kabi yangi futbolchilar borligini aytish lozim. SHuningdek murabbiylar viloyatdagi yoshlarga ham jiddiy etibor qaratgan xolda, bungacha ikkinchi ligada o'ynab o'zini ko'rsatishga erishgan ayrim iqtidorli futbolchilarni ham ko'rikka taklif etgan.  

SHuningdek tarkibda yo'qotishlar ham mavjud. Xususan o'tgan mavsum "UzDongJu" sharafini himoya qilgan Davron Jo'raqulov ("Obod"), Muzaffar Abdullaev, SHoxruh Ergashev, Salohiddin Salohiddinov, Bekzod G'oziev, Islom Karimov ("Andijon"), Alisher To'xtasinov ("So'g'diyona") kabi futbolchilar ayni damda oliy liga klublarining ko'rigida bo'lib turibdi. "Bunyodkor" jamoasidan ijaraga olingan Muhammadyusuf Abdumajidov esa ortga qaytib ketgan. Bundan tashqari darvozabonlar murabbiyi Hamidullo Zokirov ham viloyatning bosh jamoasi "Andijon"ga o'tgani sababli uning o'rniga Bekzod Turg'unov taklif etilgan.