Usmon Toshev: "Jamoa o'sishda davom etyapti"
18 okt 2019 11:31
Yangiliklar
![](https://championat.asia/upload/storage/524177_original.jpg)
![](/upload/storage/524177_220.jpg)
Usmon Toshev: "Jamoa o'sishda davom etyapti"
Xabaringiz bor, 15 oktyabr kuni JCH-2022 saralash bosqichining ikkinchi raund 4-tur uchrashuvlari o'tkazildi. O'z maydonida Yaponiyani qabul qilgan Tojikiston terma jamoasi 0:3 hisobida mag'lubiyatga uchradi. Bu Tojikistonning saralashdagi birinchi mag'lubiyati bo'ldi.
O'yinda Takumi Minamino ikkita gol urgan bo'lsa, yana bir gol Takuma Asano hisobiga yozildi. Tojikiston terma jamoasi bunga qadar Yaponiyaga qarshi oxirgi marta 2011 yil bahs olib borgan va o'shanda 0:8 hisobida mag'lubiyatga uchragandi. Garchi navbatdagi mag'lubiyat ham yirik ko'rinish olgan bo'lsa-da, bosh murabbiy Usmon Toshev jamoa o'sishda davom etayotganini bildirdi.
"Tayyorgarlik bo'yicha kam vaqtga ega bo'lganimizni hisobga olib bu mag'lubiyatni vahimali demagan bo'lardim, - deydi Usmon Qudratovich. - Futbolchilarimiz kuchli jamoaga qarshi bor kuch bilan o'ynashdi. Afsuski, har ikki jamoaning saviyasi baribir farq qiladi. Natijadan xafamiz, lekin jamoa o'sishda davom etyapti deb bemalol ayta olaman. Futbolda poydevorsiz jamoa qurib bo'lmaydi. Qachonki kuchli raqiblarga qarshi o'ynab o'sishga erishamiz. Yaponiya bilan bahs biz uchun yaxshi saboq bo'ldi".
Tojikiston milliy terma jamoasi noyabr oyida Myanma va Qirg'izistonga safar qiladi.
O’xshash yangiliklar
![AMP Logo](https://championat.asia/image/logo-amp.png)
Fikrlar