Ukraina hamda Braziliya terma jamoasi ustozlari yarim final oldidan qanday fikrda?

"Braziliya juda kuchli jamoa. Ular jahon chempioni bo'lish borasida rekordchi hisoblanadi. Menimcha, Braziliya kubok uchun asosiy favoritdir. Ularda istalgan jamoaga boshog'riq bo'ladigan juda ko'p o'yinchilar bor. Biz o'z uslubimizda o'ynashimiz va bor kuchimizni ishga solishimiz kerak", – dedi Kosenko. 

"Yarim final oldidan hech qanday bosim his qilmayapman. Biz optimist kayfiyatdamiz va buni mundial so'ngiga qadar saqlab qolmoqchimiz. Agar bosimni his qila boshlasak, o'z mohiyatimizni unutib qo'yishimiz mumkin.

Ukraina malakali jamoa hisoblanadi. Ular bejiz yarim finalga qadar etib kelmadi. Bo'lajak uchrashuvga jiddiy etibor qaratishimiz lozim. Raqibimiz qaysi jamoa bo'lishidan qati nazar o'z shiddatimiz, o'z o'yinimizni saqlab qolishimiz darkor. Ushbu mundialda uch yil davomida qanday tayyorgarlik ko'rganimizni namoyish etmoqchimiz. 

Bizni hujumkorlikka urg'u qaratishimizni ko'p aytishadi, lekin biz etiborni himoyadan boshlaganmiz. Himoya — eng kuchli qurolimiz. Ishonchli mudofaa ushbu bosqichga etib kelganimizdan dalolat beradi, biroq to'xtab qolmaymiz. Turnirda raqiblar qiyinlashib borgani sayin himoyalanish va hujum qilishning boshqacha uslublarini takomillashtirib boramiz.

Yana bir bor aytaman, so'nggi uch yil davomidagi tayyorgarligimiz va maqsadimiz turnir davomida bizga motivaciya bo'lmoqda. SHu bilan birga, barcha jamoalarni hurmat qilamiz. Boshqa jamoalarga bo'lgan hurmat o'z jamoamizga hurmat demakdir", – dedi Markinos.  

Eslatib o'tamiz, yarim final bellashuvi bugun "Humo Arena"da 20:00 da start oladi.