UFF VA PFL ko'magida yangi liga tashkil etilmoqda
10 avg 2016 14:03
Yangiliklar
![](https://championat.asia/upload/storage/217972_original.jpg)
![](/upload/storage/217972_220.jpg)
UFF VA PFL ko'magida yangi liga tashkil etilmoqda
O'zbekiston futbol federaciyasi (UFF) hamda Professional futbol ligasi (PFL) ko'magida kiberfutbol bo'yicha Professional kiberfutbol ligasi (PKFL) tashkil etilmoqda. Bu liga O'zbekiston tarixida yangi formatdagi ilk chempionat bo'lib, PS4 (PlayStation 4) bo'yicha FIFA17 o'yinida 18 yosh va undan katta bo'lgan mamlakatimizning har bir fuqarosi qatnashishi mumkin. Bu turnirda 2 ta liga tashkil etiladi. Oliy liga va birinchi liga.
Bu ligalarda ishtirok etish huquqini qo'lga kiritish uchun saralash bahslarida qatnashish kerak. Saralash ikki bosqichdan iborat bo'ladi: Viloyatlararo va Respublika Grand finali. Viloyatlardagi saralashlarda g'olib bo'lganlar Respublika Grand finaliga yo'l olishadi. Grand finalda kuchli 16 talikka kirgan ishtirokchilar avtomatik ravishda Oliy ligada qatnashish huquqini qo'lga kiritishadi. Kuchli 32 talikka kirgan qolgan 16 ishtirokchi esa birinchi liga ishtirokchisiga aylanadi.
Ushbu turnirga futbol bo'yicha O'zbekiston chempionatida ishtirok etayotgan klublar rahbariyatlarini ham taklif etamiz. Har bir klub bir kiberfutbolchini tanlashi mumkin. O'sha o'yinchi PFKLda jamoa nomidan ishtirok etadi va har bir o'yinni klub formasida o'ynaydi.
Loyiha UFF va PFL rasmiy qo'llab-quvvatlashi asosida "Virtual Football" kompaniyasi tomonidan tashkil etilmoqda.
Ikkala liga o'yinlari professional futbol kabi 7-8 oy davom etishi va televideniya hamda barcha OAVlarda yoritib borilishi rejalashtirilgan.
Saralash bahslari sentyabr oyida boshlanadi. Oliy liga va birinchi liga o'yinlariga oktyabr oyida start beriladi.
Ushbu loyihadan maqsad O'zbekiston futboli rivojiga hissa qo'shish orqali yoshlarning bo'sh vaqtini maroqli va mazmunli o'tkazishga yordam berish. SHu bilan birga kirebfutbol bo'yicha O'zbekiston bayrog'ini jahon arenalarida baland ko'tarish.
Murojaat uchun telefonlar: +998 71 245-52-92
+998 94 606-73-33
+998 90 168-52-91
Musobaqa ucff.uz sayti orqali batafsil yoritilib boriladi.
![AMP Logo](https://championat.asia/image/logo-amp.png)
Fikrlar