Termuxo'ja Abduxoliqov: “Lokomotiv”ga jon kuydirib muxlislik qilyapman”
03 mar 2017 14:22
Yangiliklar
![](https://championat.asia/upload/storage/242875_original.jpg)
![](/upload/storage/242875_220.jpg)
Termuxo'ja Abduxoliqov: “Lokomotiv”ga jon kuydirib muxlislik qilyapman”
Ushbu bahsda “Al Sayliya” jamoasi safida to'p tepgan Temurxo'ja Abduxoliqov o'z nomiga 2 ta golni rasmiylashtirib qo'ydi. Uchrashuv haqida hujumchi o'z fikrlarini bildirdi.
“Al Garafa”ga qarshi uchrashuv juda ham og'ir o'tishini oldindan bilib turgandik. Juda qiyin bo'lgan o'yinda muhim bo'lgan g'alabani qo'lga kiritdik. Birinchi o'yinda ham ikkinchisida ham deyarli barcha gollarimda omadim kelmoqda, deb o'ylayman. Nima bo'lganda ham kerakli bo'lgan 3 ochkoni qo'lga kiritdik. Jamoamga foyda keltirganimdan xursandman.
Men bilan birga ushbu jamoada to'p tepayotgan Sanjar SHoahmedov 60 daqiqadan so'ng maydonga tushirilmoqda. Nima uchun bunday bo'layotganini o'zim ham tushinmayapman. Bu holat menga yoqmayapti. Sanjar bilan bir vaqtda maydonda harakat qilsak ancha yaxshi o'yin ko'rsatamiz. To'g'ri, turnir jadvalidagi o'rnimiz havas qilarlik darajada emas. Men bunday o'rinlarda yurishga o'rganmaganman.
CHempionat yakunlanguniga qadar yana 3 ta o'yin bor. Ushbu bahslarning barchasida iloji boricha g'alaba qozonishimiz kerak. Bu yin men uchun ham klub uchun ham omadsiz o'tmoqda. Bunday o'rinlarda yurish yoqimsiz holat. Eng asosiysi chempionatda yanada yuqoriroq o'ringa chiqib olishimiz kerak. Baribir OCHL musobaqasida ishtirok etish boshqacha. “Lokomotiv”ning OCHL musobaqasidagi barcha uchrashuvlarini tomosha qilyapman. Sobiq jamoamga muxlislik qilib, ushbu klub uchun jon kuydiryapman, xuddi o'zimiz o'ynayotgandek”, - deydi “Al Sayliya” klubi futbolchisi Temurxo'ja Abduxoliqov.
Jahongir Sotvoldiev suhbatlashdi.
O’xshash yangiliklar
![AMP Logo](https://championat.asia/image/logo-amp.png)
Fikrlar