“Surxon” muxlislari hakamlarni haqorat qilishdi va toshbo'ron qilishdi. PFL klubni 10 million so'm jarimaga tortdi
27 avg 2018 20:48
Yangiliklar

“Surxon” muxlislari hakamlarni haqorat qilishdi va toshbo'ron qilishdi. PFL klubni 10 million so'm jarimaga tortdi

Pro Liga 22-tur uchrashuvlari doirasidagi “Surxon” – “Andijon” (0:3) uchrashuvi yakunlangach, stadionga yig'ilgan mezbon muxlislar o'yinni boshqarib borgan hakamlar guruhini ommaviy ravishda haqorat qildi.

SHuningdek, hakamlar brigadasi maydonni tark etib, kiyim-almashtirish xonasiga yo'l olayotgan pallada ularga muxlislar tomonidan turli buyumlar – toshlar va suv idishlar uloqtirildi. Qolaversa, bosh hakam yordamchisi A. Sidorovning ko'krak qismiga tosh ham kelib tekkani malum bo'ldi. Hakamlar o'z xonasiga kirib borgach ham, tashqaridan ular joy olgan xona oynalariga nisbatan ommaviy tosh otishlar to'xtamadi.

“Surxon” – “Andijon” uchrashuvidan keyin ro'y bergan ko'ngilsiz holatlar foto va videofaktlar asosida O'zPFLning maxsus komissiyasi tomonidan o'rganib chiqildi.

Musobaqalar reglamentining “Klublar, jamoalar rahbarlari, futbolchilar va xududiy associaciyalar majburiyatlari” bo'limining 7.3 bandini qo'pol ravishda buzganligi uchun “Surxon” FKga nisbatan intizomiy va jarimalar kodeksi 1-qismi 5.9 bandini qo'llagan holda 10.000.000 (o'n million) so'm miqdorida jarima belgilandi. Bu hol yana qaytarilsa, klubga nisbatan jiddiyroq jazo – uy uchrashuvlarini muxlislarsiz, bo'm-bo'sh stadionda o'tkazishi borasida ogohlantirish berildi.