Superliga. CHeran Geynrixni ortda qoldirdi

Paxtakor Dragan CHeran - 35', Dragan CHeran - 39', Dragan CHeran - 50', Sardor Sobirxo’jayev - 59', Dragan CHeran - 78'

Superliga. 22-tur 18/10/2022, 18:30 2 : 5 Tugadi

Qo’qon-1912 Javohir Sidiqov - 29', Oybek Rustamov - 45'

45'

90'

35'  Dragan CHeran

39'  Dragan CHeran

39'  Farrux Sayfiev

50'  Dragan CHeran

50'  Farrux Sayfiev

59'  Sardor Sobirxo’jayev

59'  Azizbek Turg’unboyev

78'  Dragan CHeran

29'  Javohir Sidiqov

29'  Oybek Rustamov

45'  Oybek Rustamov

45'  Quvondiq Ro'ziev

Match-senterda ochish

Sidiqov hisobni ochgan o'yin taqdirini Dragan CHeran hal qilib ketdi. SHundan keyin serbiyalik "killer"ning O'zbekiston chempionatidagi statistikasini keltirishni lozim topdik. 

Top-15

Futbolimizga 2016 yil "Nasaf" orqali kirib kelgan Dragan bugun Superligadagi 158-o'yinini o'tkazgani holda 111-golini rasmiylashtirib qo'ydi. Serbiyalik futbolchi shu tariqa O'zbekiston chempionati tarixidagi eng yaxshi to'purarlar reytingida SHuhrat Rahmonqulovni ortda qoldirib, Server Jeparovga etib oldi (15-o'rin).

Ayni paytda u Superliga tarixida eng ko'p gol urgan legioner hisoblanadi. CHerandan tashqari, faqat turkmanistonlik Artur Gevorkyangina yuzlik dovondan oshishni uddalagan (105).

10-gol

"Paxtakor" sardori kecha vodiy klubiga qarshi 11-o'yinini o'tkazib, umumiy hisobda 10-marta qo'qonlik muxlislarni ranjitdi. Faqatgina "Buxoro" muxlislari CHerandan ko'proq aziyat chekishgan (12 marta). 

Fakt: Serbiyalik futbolchi Superligada o'zi to'qnashgan 19 jamoaga gol urishni uddalagan. U faqatgina elitaga joriy yildan qo'shilgan "Olimpik" darvozasiga yo'l topa olmayapti.

Top-3

CHeran "Paxtakor" libosidagi 77-golini urib, jamoaning O'zbekiston chempionati tarixidagi to'purarlari reytingida Aleksandr Geynrix va Zayniddin Tojievni ortda qoldirib, 3-o'ringa ko'tarilib oldi. Undan tepada Anvar Soliev (86) va Igor Sergeev (101) joylashgan.

Dragan yana 25ta gol ursa, klub tarixidagi eng yaxshi bombardirga aylanadi.

Rekord

Mazkur "poker"dan keyin qahramonimiz yana "Oltin butsa" uchun asosiy davogarga aylanib oldi. U qatorasiga 3 bor to'purarlar poygasini yutgan chempionatimiz tarixidagi yagona o'yinchi hisoblanadi. Agar joriy mavsum oxirida ham "snayperlik" CHeranga nasib qilsa, ushbu natijani uzoq yillar hech kim yangilay olmasa kerak...

Muallifning telegramdagi kanali → FR| futbol ANALIZI