Superliga-2022. 26-turning eng yaxshilari

Championat.asia o'tkazilgan bahslar asosida tur laureatlarini aniqladi.

Superligada qolish uchun kurashayotgan "Qo'qon-1912" jamoasi bu tur Samarqandda mehmon bo'ldi va mag'lub bo'ldi - 0:2. SHu kuni "Dinamo" darvozaboni Farhod Rahmatov raqibning bir nechta xavfli zarbalarini qaytardi va jamoasining g'alabasiga hissa qo'shdi. Farhod Rahmatov Championat.asia sayti talqiniga ko'ra, 26-turning eng yaxshi darvozaboni deb topildi.

Bu turda "Navbahor" yarim himoyachisi Yovan Jokich AGMKga qarshi bahsda jarima maydonchasi tashqarisidan chiroyli gol urdi va tur goliga mualliflik qildi. VIDEO

"Qo'qon-1912" jamoasi bu tur ligani tark etib bo'lgan "Dinamo" mehmoni bo'ldi va mag'lub bo'ldi. Ligada qolish uchun jon-jahdi bilan kurashayotgan qo'qonliklar g'alaba qozonishsa, 12-o'rinni egallashlari va pley-offda o'ynashlari mumkin edi. SHunday holatda "Dinamo" 2:0 hisobida g'alaba qozondi va "Qo'qon-1912"ni o'zi bilan birga quyi ligaga olib ketdi. Vadim Abramov Championat.asia sayti talqiniga ko'ra, 26-turning eng yaxshi murabbiyi deb topildi.

"Olimpik" so'nggi turda "Nasaf"ni qabul qildi va 2:0 hisobida taslim qildi. Timur Kapadze jamoasida Otabek Jo'raqo'ziev ikkita gol urdi. SHu bois, Otabek Jo'raqo'ziev Championat.asia talqiniga ko'ra 26-turning eng yaxshi futbolchisi deb topildi.

O'zbekiston chempionati turnir jadvali va to'purarlar ro'yxati >>>>> Superliga