“Sport TV”da “Evrotaym” g'oyib bo'ldi

Angliya, Ispaniya, Italiya va Germaniya milliy chempionati o'yinlari natijalari va urilgan gollar namoyish etib boriladigan dastur 8 dekabr kuni efirga chiqishi kerak edi. Ammo nomalum sabablarga ko'ra “Evrotaym” namoyish etilgani yo'q.

SPORT telekanali yuqoridagi chempionatlarni ko'rsatish huquqini sotib olgani yo'q. SHu bois ham muxlislar aynan shu dastur orqali o'yindagi gollarni tomosha qilib borishayotgandi. Biroq endi katta ehtimol bilan bu ham tomoshabinlar uchun armonga aylanadi shekilli.

Telekanal rahbariyati Evropa chempionlar ligasi va Angliya premer-ligasining bazi o'yinlarini ko'rsatish huquqini sotib olishni rejalashtirgandi. Biroq Uzreport Tv ikkala musobaqani translyaciyasini xarid qildi. Bundan tashqari Uzreport TV EVRO-2016 final bosqich o'yinlarini namoyish etish huquqini ham sotib oldi.

Biroq Uzreport TV ayni paytda faqat Toshkent shahridagina efirga uzatilmoqda. SPORT telekanali esa butun respublikada namoyish etiladi. SHu bois ko'plab futbol muxlislari aynan SPORT TV yirik musobaqalarning translyaciyasini sotib olishini istamoqda.