SHuhrat Maqsudov: "Futbolchilarimga etirozim yo'q. Barchani g'alaba bilan tabriklayman"

- Avvalambor, "Bunyodkor" futbolchilarini, muxlislarini, xodimlarini g'alaba bilan tabriklayman. SHu o'rinda, shunday qiyin pallada o'z ishini yaxshi bajarayotgan futbolchilarga rahmat aytmoqchiman. Nafaqat futbolchilar, balki, bazamiz farroshlari, qorovullar, bizga ovqat qilib beradigan oshpazlarimizga ham katta rahmat aytaman. Hozirgi ahvolimizda ular ham o'z ishlarini sidqidildan bajarishda davom etishmoqda. SHuningdek, shunday sharoitlar va o'yinni o'tkazish uchun barcha qulayliklarni yaratib bergani uchun AGMK klubiga ham minnatdorlik bildiraman.

O'yinni o'zlaringiz ko'rdingiz. Futbolchilarimga hech qanday etirozim yo'q.

- Lutfulla To'raev bilan bog'liq holatni bir tushuntirib ketsangiz. Muxlislar buni noto'g'ri tushunishmoqda.

- Muxlislar o'yinni tomosha qilaverishsin. U holat o'zimiz o'rtamizdagi ish. Buni ularga umuman aloqasi yo'q. Lutfulla bizning asosiy futbolchimiz, sardorimiz. Ko'p gaplar aynan unga aytiladi. SHu sababli bundan fojea yasamaslik kerak.