SHota Arveladze: "OCHLda qatnashish uchun Qatarga qanday holatda boramiz, hozircha nomalum. Sidiqov hali o'z darajasini ko'rsatadi"

"Avvalambor, shifokorlarimizga katta rahmat aytmoqchiman. Oxirgi bir yarim oy biz uchun dahshatli o'tdi, rahbariyatga ham rahmat. Ular virus bilan bog'liq jiddiy muammolarimizga tezda chora ko'rishdi. Bu ochko to'plash emas, bu sog'liq, bu hayot. Barchani futbol qaytgani bilan tabriklayman. Birinchi o'yinni o'tkazdik. Albatta, tayyorlanish jarayoni qiyin o'tdi, taxminan 17 kishi kasallangandi. Kimdirda virusning engil formasi, kimdirda bir oz og'irroq formasi kuzatildi. G'alaba bilan ham, kasallikni engib o'tishgani bilan ham yigitlarni tabriklayman. Ular bugun chiroyli o'yin ko'rsatishdi va munosib g'alabaga erishdilar. Umid qilamanki, keyingi hayotimiz to'xtab qolmaydi va barchasi yaxshi bo'ladi. Nafaqat futbolchilar, ularning oilasi, barcha muxlislar sog' bo'lishsin", - deydi Arveladze.

"Paxtakor"da taqvim tig'iz. Oldinda CHempionlar Ligasi ham bor. Jamoaga rotaciya kerak. Bundan tashqari, ko'p futbolchilar kasal bo'lib qolgan, ayrimlari yaxshi formada emas. Vaziyatdan qanday qilib chiqib ketmoqchisiz?
- Har 3 kunda vaziyatga qaraymiz. Kimdir o'zini yaxshi his etmasa, bunga chora ko'ramiz. Hozir hammasi yaxshi, bugun 5 ta o'zgarishga qo'l urdik. Umid qilamizki, hammasi yaxshi bo'ladi. Qatarga qanday holatda boramiz, hozircha nomalum. Bizni oldinda "Nasaf", "Lokomotiv" va "Andijon"ga qarshi 3 ta qiyin o'yin kutyapti.

Javohir Sidiqovning holati qanday? U nega o'ynamayapti? Ayniqsa, u qo'qonlik ishqibozlarning yoqimtoyi.
- Uni barcha yoqtiradi.  Sidiqov og'ir jarohatidan 1,5-2 oy oldin tuzaldi va oxirigacha tiklandi.  Hali uning vaqti keladi va o'z darajasini ko'rsatadi.