SHota Arveladze ketishi nima bilan bog'liq? (So'rovnoma yakunlari)

O'tgan ikki kun ichida 10 mingdan ziyod o'quvchi so'rovnomaga o'z munosabatini bildirgan. Variantlar orasida "Murabbiy o'zini kuchliroq chempionatda sinab ko'rishni xohladi" 41 foiz ovoz bilan birinchi bo'ldi. Balki shundaydir. Kim biladi deysiz, Arveladzeni tez orada Evropaning birorta chempionatida ko'rib qolsak ajab emas. 

So'rovnomada qatnashganlarning 38 % "Rahbariyat murabbiyga katta pul to'lashdan voz kechdi" degan variantda to'xtalgan. Aniq raqamlar aytilmagan bo'lsa-da, gruziyalik murabbiyga "Paxtakor" yaxshi pul to'lab kelganini ko'pchilik biladi. Rahbariyat katta pul to'lashdan voz kechdimi? Bo'lishi mumkin. Buyog'iga jamoa ko'rpasiga qarab oyoq uzatsin deyilgan bo'lishi ham mumkin. 

"Murabbiy shunchaki shartnomasini uzaytirishni istamadi" varianti 12 foiz bilan uchinchi bo'ldi. Aytaylik, SHota Arveladzening o'zi shartnomani cho'zishni xohlamagan bo'lishi mumkinmi? Qachonki kuchliroq klubdan taklif tushsa, ko'p murabbiylar shunday yo'l tutishini bilamiz. Lekin Arveladzening oldida aniq takliflar bormi? Bu ham bir masala. 

"Paxtakor" yanada kuchli murabbiyni olib kelish uchun shunday yo'l tutdi" variantiga 9 foiz o'quvchi ovoz bergan. Bundan ko'rinib turibdiki, ko'pchilik "Paxtakor" yanada kuchliroq murabbiyni olib kelishiga aksar muxlislar ishonmayapti. Yangi mavsum startigacha hali ancha borligini hisobga olsak, balki rahbariyat Evropadan nomdorroq murabbiyni taklif etar. Xullas, buyog'i nima bo'lishini oliy hakam vaqt ko'rsatadi.