SHota Arveladze: "Jamoalar "Paxtakor" kabi saviyani oshirish uchun intilishlari kerak"

"Kechagi o'yin haqida fikrimni boshlayman. CHempionlar Ligasi finalini tomosha qildik. Musobaqadan chiqib ketganimizdan so'ng o'yinlarni kuzatdik. Saviya borasida biz ulardan qolishmasdik. Turnirni yutish uchun imkoniyatimiz bor edi. SHunda o'zimizni boshqa qita klublari bilan sinab ko'rardik. Yigitlarga ertangi kun sari qadamni o'zlaridan ham ishtiyoq, doimiy harakat zarurligini aytdim. Bugungi bahsga kelsak, o'yinni nazorat qildik. Uchta goldan tashqari yana vaziyatlar yaratdik. Raqibning aniq zarbasi deyarli bo'lmadi. Jiddiy raqib ustidan zafar quchdik va O'zbekiston Kubogini qo'lga kiritdik. Ular bejizga chempionatni uchlikda tugatishmadi.

Ushbu qiyin mavsumda barchaga og'ir bo'ldi. Futbolchilar, rahbariyat, barcha xodimlarga rahmat aytaman. Bizga barcha sharoitlar yaratib berildi. Klub prezidenti Bobur SHodiev, bosh direktor Dmitriy Adismandan klub uchun qayg'urayotganidan minnatdorman. O'zim bilan do'stlashgan hamma insonlarga rahmat. Barchaga sog'liq tilayman, eng og'ir yil o'tib ketdi deb umid qilaman.

Jamoalar "Paxtakor" kabi saviyani oshirish uchun intilishlari kerak. SHunda umumiy daraja yanada o'sadi.

Mavsumni yaxshi o'tkazdik. Kecha bizda bitta sovrin bor edi, endi ular sonini yana bittaga ko'paytirdik.

Murabbiylar keladi va ketadi. SHu jumladan, men ham. Lekin ulardan ko'p narsalar qoladi. Yaratilgan tizim yo'q bo'lmaydi. Hamisha ishni yaxshilashga urinish kerak. Eng yaxshi daraja uchun intilish shart.

"Paxtakor"ning keyingi yilga rejalari aniq. Futbolchilar bilan shartnomalar tuzilgan, yig'in uchun joy tanlangan. "Zenit" va "Spartak" Moskva kabi raqiblar bilan o'rtoqlik o'yinlari o'tkaziladi. Akademiyaga doimgidek yaxshi etibor berish rejalashtirilgan. Rejalar va byudjetga egamiz. CHempionlar Ligasiga jiddiy hozirlik ko'rish kerakligini barcha biladi", - deydi SHota Arveladze.