SHota Arveladze: "Guruhdagi vaziyat hamon murakkab"

"O'yin biz kutgandek kechdi. Qiyin uchrashuv bo'ldi. Bugun yaxshi o'yin ko'rsatdik, ammo natija biz uchun ijobiy bo'lmadi.

Raqib uslubini o'zgartirmadi, ammo hujumlarini turlicha uyushtirishga intildi. Ularning o'yini syurpriz bo'lgani yo'q. Raqib o'z falsafasiga mos holda harakat qildi. Guruhdagi holat hamon murakkabligicha qolmoqda.

Deyarli o'yin yakunigacha durang natija bo'lib turgandi. Durang mag'lubiyatdan ko'ra yaxshiroq edi" - deydi Arveladze.

Eslatib o'tamiz, bugungi g'alabadan so'ng "Al Sadd" 7 ochko bilan peshqadam bo'lib turibdi. Keyingi o'rinlarni "Al Ahli" (6), "Paxtakor" (5) va "Persepolis" (4) jamoalari band etishgan.