SHirer: "Kepa millionlab insonlar ko'z o'ngida o'z murabbiyini ahmoqqa chiqardi"
25 fev 2019 17:10
Yangiliklar

SHirer: "Kepa millionlab insonlar ko'z o'ngida o'z murabbiyini ahmoqqa chiqardi"

Angliya terma jamoasi sobiq hujumchisi Alan SHirer "CHelsi" hamda "Manchester Siti" o'rtasidagi Angliya liga Kubogi finalida Kepa Arrisabalaga bilan sodir bo'lgan voqea haqida fikr bildirdi.

Bahs yakunlanishiga bir necha daqiqa qolganida bosh murabbiy Mauricio Sarri Arrisabalaga o'rniga Villi Kabaleroni tushirmoqchi bo'ldi, ammo tablo ko'tarilganiga qaramay, Kepa maydonni tark etishni istamadi. Natijada italiyalik mutaxassis g'azab bilan suv idishni erga otdi va tribunaosti yo'lakchasiga yo'l oldi. Bir necha soniya o'tib murabbiy maydonga qaytdi. Penaltilar seriyasida "Manchester Siti" g'alabaga erishdi.

"Menga Sarrining Kabaleroni maydonga tushirish g'oyasi yoqdi. CHunki Villi "Siti"da o'ynagan va ular qaysi tomonga zarba berishini bilar edi. Bu "CHelsi"ning ustun tomoni bo'lardi. Biroq Kepa maydonni tark etishni istamadi, jin ursin, Sarri posbonni xohlagancha haqorat qilishi mumkin edi.

Hamma gap hurmatda, Kepa millionlab insonlar ko'z o'ngida o'z murabbiyini ahmoqqa chiqardi. Bu voqea Sarri katta bosim ostida va istefo arafasida ro'y berdi. Bu mutaxassis uchun qimmatga tushishi mumkin" - deydi SHirer.

Havola :

Manba : The Sun

Yangiliklarni Telegramda o'qing!

Reyting: +16