SHerzod Fayziev: "Oila davrasida zerikishga hojat bo'lmayapti"
07 apr 2020 15:24
Yangiliklar
![](https://championat.asia/upload/storage/557488_original.jpg)
![](/upload/storage/557488_220.jpg)
SHerzod Fayziev: "Oila davrasida zerikishga hojat bo'lmayapti"
Karantin qanday o'tayotgani, uyda nima mashqlar bajarayotgani hamda futbolni qanchalik sog'inganini bilish maqsadida jamoa himoyachisi SHerzod Fayziev bilan bog'landik.
- Karantindagi vaqt qanday o'tyapti? Nimalar bilan bandsiz?
- Hamma qatori men ham karatinni uyda, oilam davrasida o'tkazyapman. Oilamiz ko'pchilik, shu bois zerikishga hojat qolmayapti. Odatda farzandlarim va jiyanlarimni o'ynatish bilan chalg'iyapman.
- O'z formangizni saqlab turish uchun qanday mashqlar bajaryapsiz?
- Jamoamiz murabbiylar shtabi har bir futbolchiga uyda bajarsa bo'ladigan alohida dastur yozib bergan. Men ham shu bo'yicha individual mashg'ulot o'tkazyapman. Jiyanlarim ham futbolchi, birgalikda to'p tepyapmiz.
- Futbolni qanchalik sog'indingiz?
- Judayam sog'indim. Axir futbolga hayotimni bag'ishlaganman. Nasib qilsa tez orada yana yashil maydonga qaytamiz.
- Nima deb o'ylaysiz, karantindan keyin o'yin ritmiga tushib olish qiyin bo'ladimi?
- Bu endi karantin qachon tugashi va Superliga o'yinlari qachondan davom etishiga bog'liq. Hozir esa hammamiz avvalo sog'likni o'ylashimiz kerak. Barcha uyda qolib karantin qoidalariga amal qilsa, koronavirus balosidan shuncha tez qutulamiz.
O’xshash yangiliklar
![AMP Logo](https://championat.asia/image/logo-amp.png)
Fikrlar