SHavkat Saidov: "Lokomotiv" bilan mag'lubiyatga teng durang qayd etdik"

"Bugun biz mag'lubiyatga teng durang qayd etdik. Biz bir necha turdan buyon mag'lubiyat nimaligini bilmay kelayapmiz. Bugun ham oliy ligada peshqadam bo'lib turgan klub bilan durang o'ynadik. Raqib 10 kishi bo'lib ham yaxshi o'ynadi, mahorat bobida ustunlikka erishdi.

"Metallurg" o'z uyida mag'lub bo'lmaganiga jamoaning ahilligi sabab bo'lmoqda. Homiylarimizning yordami, muxlislarning daldasi yordam bermoqda.

Futbolchilarning jismoniy holati biroz pand berib qo'ydi. Ko'pchilik bo'lib o'ynaganimizda himoyada yotib olish kerak emasdi, futbolchilarni buni bahs davomida aytib turdik.

Endi "Neftchi" bilan o'yinga tayyorgarlik ko'ramiz. SHu bahs bilan birinchi davra tugaydi", - deydi Saidov.

"Lokomotiv" matbuot xizmati