Шавкат Саидов: "Локомотив" билан мағлубиятга тенг дуранг қайд этдик"
26 июн 2016 12:50
Янгиликлар

Шавкат Саидов: "Локомотив" билан мағлубиятга тенг дуранг қайд этдик"

"Металлург" - "Локомотив" учрашувидан кейин мезбонлар жамоа бошлиҒи Шавкат Саидов ўз фикрларини билдирди.

"Бугун биз мағлубиятга тенг дуранг қайд этдик. Биз бир неча турдан буён мағлубият нималигини билмай келаяпмиз. Бугун ҳам олий лигада пешқадам бўлиб турган клуб билан дуранг ўйнадик. Рақиб 10 киши бўлиб ҳам яхши ўйнади, маҳорат бобида устунликка эришди.

"Металлург" ўз уйида мағлуб бўлмаганига жамоанинг аҳиллиги сабаб бўлмоқда. Ҳомийларимизнинг ёрдами, мухлисларнинг далдаси ёрдам бермоқда.

Футболчиларнинг жисмоний ҳолати бироз панд бериб қўйди. Кўпчилик бўлиб ўйнаганимизда ҳимояда ётиб олиш керак эмасди, футболчиларни буни баҳс давомида айтиб турдик.

Энди "Нефтчи" билан ўйинга тайёргарлик кўрамиз. Шу баҳс билан биринчи давра тугайди", - дейди Саидов.

"Локомотив" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +2