Sergey Lushan: "Ogorod"da futbol o'ynash mumkin emas"

"Bugun asabiy, kurashlarga boy o'yin bo'ldi. "Ogorod"da futbol o'ynash mumkin emas. Bugun o'yinimiz umuman o'xshamadi.

"Andijon"ni tabriklayman, ular bir ochkoni qo'lga kiritishdi va oliy ligada qolish imkoniyatini yaxshilab olishdi. Bu shahar jamoasi oliy ligada qolishga haqli deb o'ylayman.  

Agar bugun "Lokomotiv" g'olib bo'lsa chempionlik uchun imkoniyatimiz deyarli qolmaydi.

Oldinda "Navbahor" bilan, "Lokomotiv" bilan o'yinlar bor. Kubok yarim final javob bahsi bor. Har bir o'yinga alohida tayyorgarlik ko'ramiz.

Eldor SHomurodov va Otabek SHukurov aslida bugun zaxirada o'tirishlari kerak edi. Sababi terma jamoa murabbiylari ularni imkon qadar kamroq o'ynatishimizni iltimos qilishdi. Biroq Alempievichning kutilmagan jarohati tufayli SHukurovni asosiy tarkibga qo'ydik, boshqa choramiz yo'q edi", - deydi Sergey Lushan.

"Andijon" matbuot xizmati