Sebalos APLdan takliflarni rad etdi, sababi "Real" bilan shartnomani uzaytirmoqchi

Ushbu yilning yozida amaldagi kelishuvi yakunlanadigan 26 yoshli o'yinchi "Real"da qolmoqchi. U  boshqa klublar bilan muzokaralar olib borishi mumkin, ammo allaqachon APLdan bir necha takliflarni rad etdi.

"Real" rahbariyati xavbek bilan shartnomani uzaytirish yoki uzaytirmaslik borasida o'ylamoqda. Qayd etish kerakki, u klubning rejalariga kirmaydi, ammo uning so'nggi o'yinlardagi harakatlari rahbariyatni o'z fikrini o'zgartirishga majbur qilishi mumkin.

Sebalos 2022/23 yilgi mavsum "Real" safida barcha musobaqalarda 18ta o'yinda maydonga tushib, 1ta gol va 4ta assist qayd etdi. Transfermarkt portali o'yinchini 9 million evroga baholamoqda.