Sardor Mirzaev jamoasi bilan shartnomasi muddatini uzaytirgani xususida nimalar dedi?

Mirzaev “Muangtong Yunayted” sharafini himoya qilmoqda. Yaqinda hamyurtimiz ushbu klub bilan amaldagi shartnomasi muddatini 2023 yiga qadar uzaytirdi. SHartnomani uzaytirish borasida o'z fikrlarini bildirib o'tdi.

- Menda boshqa jamoalardan ham taklif bo'lgandi. Ammo “Muangtong Yunayted” rahbariyati men bilan shartnomani uzaytirmoqchi ekanini va barcha sharoitlarni yaxshilab berishini malum qildi. SHundan so'ng muzokaralar o'tkazdik va 2023 yilning yoziga qadar mo'jallangan shartnoma imzoladik.

To'g'risi, 2-3ta jamoalardan yaxshi takliflar tushdi. Jumladan, o'tgan yilgi Tailand chempionligini qo'lga kiritgan jamoadan ham chaqiruv bo'lgandi. “Muantong Yunayted”da qolishimga sabab, bu erdagi muhitga endi moslashib olgandim. SHu jihatlari sababli jamoada qolishni afzal bildim. Rahbariyat va murabbiylar ham menga katta ishonch bildirmoqda. 

Tailand futbolini tanlaganimga asosiy sabablardan biri yaxshi daromad topish edi. Buni yashirib o'tirmayman. Tailandda ko'proq mablag'ga ega bo'lish mumkin. Futbolchining faoliyati uzoq emas. Kelajagimizni yaxshilab olishimiz lozim. O'zbekistonga qaytishim ham mumkin edi. Har holda o'zimizning jamoalardan ham takliflar yo'q emasdi. Tailandda futbolga katta etibor qaratilayotgani sezilib turibdi. Barcha klublarda moliyaviy imkoniyatlar yuqori hisoblanadi. Aynan shu tomonlarini hisobga olib, shartnomam muddatini uzaytirishga qaror qildim.