Sardor Abduraimov: "Legionerga aylanishim masalasini klub hal qiladi"
09 fev 2021 16:17
Yangiliklar
![](https://championat.asia/upload/storage/618901_original.jpg)
![](/upload/storage/618901_220.jpg)
Sardor Abduraimov: "Legionerga aylanishim masalasini klub hal qiladi"
"Bunyodkor" raqiblik qilgan bahsda "gazchilar" kichik 1:2 hisobida mag'lub bo'ldi. Mazkur bahsdan so'ng jamoaning etakchisi Sardor Abduraimov championat.asia saytiga fikrlarini bildirdi. SHuningdek legionerga aylanishi borasidagi xabarlarga ham to'xtalib o'tdi.
"Yangi mavsumga juda yaxshi tayyorgarlik olib bormoqdamiz. Ko'rib turganingizdek jamoada yangi ispaniyalik murabbiy ish boshlagan. Baribir talablari va uslubi biznikilarga qaraganda boshqacha. Avvalgi yillarga qaraganda bu yil jamoada yangiliklar ko'p, malum bir o'zgarishlarga qo'l urilmoqda. Tarkibga ikki nafar legioner kelib qo'shildi. Umumiy qilib aytganda jamoa yaxshi shakllanmoqda, deya olaman. Sovrinli o'rinlar uchun kurashishga urinib ko'ramiz. Klub rahbarlari oldimizga aniq maqsad qo'ylishini aytishdi.
To'g'ri, o'tgan yili "Mashal" Pro ligadan chiqqani bois biroz qiynaldi. Quyi ligadan elitaga qaytganda moslashish oson bo'lmaydi. Oradagi to'xtalishlar ham o'z tasirini o'tkazmay qolmadi. Nasib qilsa 2021 yilda yaxshi natijalar ko'rsatishga harakat qilamiz.
Serxio Marinangeli himoyadan ham paslar bilan chiqishni, oddiy tepib yubormaslikni takidlamoqda. Har bir uzatmamizni samarasiz ketkazmaslikni talab qilyapti. Uslubi va taktikasi ko'proq ispan futboliga moslashganini ko'rishimiz mumkin.
Legionerga aylanishim masalasini klub hal qiladi. Qatar jamoalaridan taklif borligini rahbarimiz aytdi. Oldinda nima bo'lishini vaqt ko'rsatadi",- deydi Sardor Abduraimov.
Abdulaziz Iskandarov yozib oldi
O’xshash yangiliklar
![AMP Logo](https://championat.asia/image/logo-amp.png)
Fikrlar