Sanjar Tursunov: "Navbahor" - chempionlik uchun kurasha oladi"
10 apr 2023 12:22
Yangiliklar
![](https://championat.asia/upload/storage/747026_original.jpg)
![](/upload/storage/747026_220.jpg)
Sanjar Tursunov: "Navbahor" - chempionlik uchun kurasha oladi"
Olmaliqliklar sardori va etakchisi Sanjar Tursunov shu kuni o'yinning eng yaxshisi bo'ldi, deya olamiz. Dastlab uning burchakdan uzatib bergan to'pi raqib himoyachisiga tegib darvozaga kirgan bo'lsa, oradan ko'p o'tmay qanotdan reyd uyushtirib zarba yo'lladi va Yusupovdan qaytgan to'pni Ruben Sanches golga aylantirdi. Tabiiyki, uchrashuvdan so'ng Sanjar Tursunovning fikrlari bilan qiziqdik.
"Umuman olganda o'yin yaxshi o'tdi. Agar qandaydir sabablarga ko'ra o'yin buzilmasa, bunday bellashuvlardan O'zbekiston chempionati yutadi. Keraksiz narsalar o'z tasirini o'tkazaversa, bu ketishda qiyin bo'ladi. Har turda hakamlar bilan bog'liq muammolar. Kimdir ataylib, yana kimdir bilmasdan xato qiladi. Insoniylik faktori sabab xato bo'lsa, tushunamiz. Lekin aksincha qilinsa, futbolimizga zarar",- deydi Sanjar Tursunov.
- "Navbahor" raqib sifatida qanday taassurot qoldirdi?
- "Navbahor" tarkibida yaxshi saviyadagi futbolchilar yig'ilgan. Bunday tarkib bilan ular chempionlik uchun kurasha oladi.
- O'zbekiston chempionatida qaysi tomonga o'zgarish bor?
- Agar futbolga aloqador bo'lmagan ishlar uchramasa,chempionatimiz qaysidir tomonlama kuchaygan. Pastki jamoalar har tomonlama moliyaviy deysizmi, tarkibmi yuqoridagilarga yaqinlashyapti. Superliga esa rivojlanishda davom etishi kerak.
Abdulaziz Iskandarov yozib oldi
O’xshash yangiliklar
![AMP Logo](https://championat.asia/image/logo-amp.png)
Fikrlar