Sanjar SHoahmedov: “G'alaba qozonsak qo'shaloq bayram bo'lardi”

Ushbu o'yin oldidan “temiryo'lchilar” yarim himoyachisi, bugun o'z tug'ilgan kunini nishonlayotgan Sanjar SHoahmedov o'z fikrlarini bildirdi.

“Bugun “Obod” jamoasiga qarshi bahs olib boramiz. Barcha yaxshi biladi, “Obod” ham ancha yaxshi shakllangan jamoa. Ushbu o'yinda g'alaba qozonish uchun maydonga chiqamiz. “Obod”ga qarshi optimal tarkib bilan maydonda harakat qilsak kerak. Qanday taktikada o'ynashimiz va maydonga kimlar tushishini murabbiyimiz hal qiladi. G'alaba qozonsak qo'shaloq bayram bo'lardi”, - deydi “Lokomotiv” klubi yarim himoyachisi Sanjar SHoahmedov.

Jahongir Sotvoldiev