Sanjar Qodirqulov: "Hozir bu haqida o'ylashga erta"

Garchi uchrashuv davomida yomg'irli havo hukmronlik qilganiga qaramay, maydondagi futbolchilarga o'z tasirini o'tkaza olmadi. Ikki jamoa ham tomoshabop va qiziqarli futbol namoyish qildi. Unda vaziyatlardan foydalangan "Lokomotiv" yakunda 2:1 hisobidagi g'alabani tantana qildi. O'yindan so'ng "temiryo'lchilar"ning g'alaba golini urgan Sanjar Qodirqulov fikrlari bilan o'rtoqlashdi. 

"Mavsumdagi ilk g'alabani qo'lga kiritdik. Ushbu yutuq bizga ko'p narsa beradi. Yani navbatdagi bahslarda yanada ishonch bilan o'ynashimizga katta turtki bo'lsa ajab emas. Muxlislarimiz oldida katta ishtiyoq bilan harakat qildik. Fikrimcha, AGMKning goliga tezkor javob qaytara olganimiz o'yinda burilishni yasadi. Goldan so'ng ancha tetiklashib oldik. Endilikda bir muddat hordiq chiqaramiz va navbatdagi o'yinga tayyorgarlikni boshlaymiz. Uchinchi turda "Bunyodkor" bilan  o'ynasakda, hozir bu haqida o'ylashga erta, deb o'ylayman",- deydi Sanjar Qodirqulov.

Abdulaziz Iskandarov yozib oldi