Samvel Babayan: "Yigitlar yurakdan o'ynashdi..."

"Mamlakatimiz og'ir judolikka uchraganidan xabaringiz bor. Bugun biz boshqacha o'ynay olmasdik ham, yigitlar yurakdan o'ynashdi. G'alaba bilan barchani tabriklayman. Oldinga intilishda davom etamiz, - deydi Babayan. 

- Ikkala jamoa ham juda ehtiyotkor o'ynashdi. So'nggi daqiqalarda o'z shogirdlaringizdan gol kutganmidingiz?
- Biz qiyin o'yin bo'lishini kutgandik. Qatar ham yaxshi himoyalandi, uchrashuv oxirida o'yinni kuchaytirganimizga kelsak zaxiradan tushganlar bunga tayyor edilar. Maqsadimiz g'alaba qozonish va oldinga intilish edi. Bunga erishdik.

- Bugungi natija guruhda birinchi o'ringa chiqishga yordam beradimi?
- Biz hozirning o'zida birinchi o'ringa chiqdik. Endi bor etiborimizni keyingi bahsga qaratiladi. Har bir uchrashuvga alohida tayyorgarlik ko'rish va unda g'alaba qozonish uchun maydonga tushamiz.

- Bahs oxirida o'yinni kuchaytirish va gol urish asosiy rejangiz edimi? Ikkinchi bo'limda O'zbekiston yaxshiroq o'ynadi.
- Albatta, rejamiz shunday edi. Ikkinchi bo'limda o'yinimizni kuchaytirdik. Biz Qatarga g'alaba uchun kelgandik. 90 daqiqa davomida harakat qildik va 3 ochkoga ega bo'ldik.

O'FF matbuot xizmati