Xayr, afsona! Luka Modrichning "Real"dan ketishi malum qilindi

"Real"ning hurmatli muxlislari, o'sha vaqt keldi. Bu lahzani men umuman kelmasligini istagandim, biroq bu futbol, bunda boshlanish va uning tugashi doimo bor. Shanba kuni "Santyago Bernabeu"dagi so'nggi o'yinimni o'tkazaman. 

Dunyoning eng zo'r jamoasi libosini kiyish va katta muvaffaqiyatlarga erishish maqsadida 2012 yilda bu erga kelgandim, biroq barchasi bu darajada bo'lib ketishini bilmagandim. "Real"da o'ynash orqali men futbolchi va shaxs sifatida yashashni boshladim. Tarixdagi eng buyuk klubning bir qismi sifatida o'zimni his qila oldim.

Ushbu klubga, ayniqsa klub prezidenti Florentino Peresga, meni shug'ullantirgan murabbiylar, futbolchilar va barcha-barchaga chin dildan minnatdorlik bildiraman. O'tgan yillar davomida men juda ko'p ajoyib hissiyotlar, iloji yo'q deb aytilgan remontadalar, finallar, nishonlashlar va "Bernabeu"da sehrli kechalarni boshimdan o'tkazdim. Biz barcha sovrinlarni yutdik. Juda-juda xursandman.

Sovrinlardan tashqari men "Real" muxlislariga chin yurakdan bog'lanib qolganimni his qildim. To'g'risi, bu bog'liqlikni Siz muxlislarga qanday etkazishni ham bilmayman. Stadiondagi ovaciyani, ajoyib xatti-harakatlarni umuman unutib bo'lmaydi. Katta hissiyotlar bilan bu erni tark etyapman.  Garchi klublar o'rtasidagi jahon chempionatidan keyin bu klubni tark etsam-da, "Real"ning bir umrlik muxlisi bo'lib qolaman", - deb yozadi Modrich.

"Qaymoqranglilar" tarkibida Modrich barcha turnirlarda 590 o'yinda qatnashib, 43 gol va 95 assist qayd etdi. "Real" Modrich bilan birgalikda 6 marta ECHL bosh sovrini, 4 marta mamlakat chempionligi, 2 marta Ispaniya Kubogi va 5 marta Ispaniya Superkubogiga ega chiqdi.