Modrichga "Real"dan yangi taklif tushmadi – La Liganing navbatdagi turida xayrlashuv kutilmoqda

39 yoshida jamoada qolishni istagan xorvatiyalik futbolchiga klubdan shartnomani uzaytirish taklifi tushmadi. U 24 may kuni La Liganing so'nggi turida "Real Sosedad"ga qarshi o'yinda "qirollik klubi" muxlislari bilan xayrlashishi kutilmoqda. Agar klub o'z fikrini o'zgartirsa va yangi shartnoma taklif qilsa, bu o'zgarishi mumkin, ammo bu hali sodir bo'lmadi. Klubning o'zi qabul qilgan qarorda bo'lajak bosh murabbiy Xabi Alonsoning hech qanday aloqasi yo'q.

Modrich "Real"dagi 13 mavsumida 6 marta Chempionlar Ligasi, 4 marta La Liga, 2 marta Qirollik Kubogi va bitta "Oltin to'p"ni qo'lga kiritdi. U joriy mavsum 56 o'yinda qatnashib, 4 ta gol urdi va 9 ta golli uzatmani amalga oshirdi. U klub safida jami 590 o'yinda 43 ta gol urgan.

Modrichning xayrlashuvi bu o'yinda yagona bo'lmaydi – Karlo Anchelotti, Lukas Vaskes va Xesus Valexo ham "Real"ni tark etadi.

Modrich va Vaskes KJCHda qatnashadi, Valexo esa jamoa bilan AQSHga bormaydi.