Rustam Umarov: "Muxlislarimiz qarshisida biroz hayajon bo'ldi"

"Dastlabki o'yinni ham o'tkazib oldik. Birinchi o'yin doimo qiyin bo'ladi. Uning ustiga o'z maydonimizda, o'z muxlislarimiz qarshisida o'ynadik. Bunday muhitda albatta, hayajonlar bo'ladi. Ularga katta rahmat deb qolaman. O'yinning o'zi haqida gapiradigan bo'lsam, ozgina bo'sh harakat qildik. Himoyada ham bir necha xatolar bo'ldi. Gollar kiritganimizdan so'nggina o'ynash osonlashdi. Ikkinchi bo'limda esa barchasi joyiga tushdi. Qarshi hujumlardan ham unumli foydalanib, vaziyatlarni golga aylantirishga muvaffaq bo'ldik. Barchaga rahmat", - deydi Rustam Umarov.