Ronaldu – eng obro'li sportchi

YouGov tadqiqot markazi dunyodagi eng obro'li insonlar reytingini elon qildi, deb xabar berdi Give Me Sport. "Yuventus" hujumchisi Krishtianu Ronaldu sportchilar orasida etakchiga aylandi. U umumiy reytingda 6-o'rinni egalladi.

Sportchilar orasida ikkinchi o'rindan "Barselona" hujumchisi va sardori Lionel Messi joy oldi. Argentinalik umumiy reytingda 11-o'rinni band etdi. Sobiq basketbolchi Maykl Jordan sportchilar orasida uchinchi o'rinda qayd etildi va umumiy reytingda 13-o'ringa joylashdi.

Dunyoning eng obro'li kishilari (Top-10):

1. Barak Obama (siyosatchi, AQSH sobiq prezidenti);

2. Bill Geyts (tadbirkor, Microsoft rahbari);

3. Si Czinpin (Xitoy Prezidenti);

4. Narendra Modi (Hindiston Bosh vaziri);

5. Jeki CHan (aktyor);

6. Krishtianu Ronaldu (futbolchi);

7. Jek Ma (tadbirkor, Alibaba Group asoschisi);

8. Dalay Lama (buddistlarning diniy etakchisi);

9. Ilon Mask (tadbirkor, ixtirochi, Tesla va SpaceX boshlig'i);

10. Kianu Rivz (aktyor).