So’nggi yangiliklar

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

"Real" - "Barselona" 3:4. O'yin tugadi Yangiliklar

"Real" - "Barselona" 3:4. O'yin tugadi

Ispaniya primerosining 29-turidan o'rin olgan "Real" - "Barselona" uchrashuvi boshlanmoqda.


                                  MATNLI TRANSLYACIYA
                                            YANGILASH


Karlo Anchelotti bugun Xerardo Martinodan yana "tarsaki" edi. Mavsumdagi ikkinchi "klassiko"da yana Martino g'alaba qozondi.

"Barselona" muxlislarini g'alaba bilan tabriklaymiz!

90+3` Uchrashuv tugadi! "Barselona" "Santyago Bernabeu"dan g'alaba bilan qaytmoqda.

90+2` "Barsa" to'pni o'zida saqlab turibdi. "Real" asabiylashmoqda.

90+1` "Real" hujumga bora olayotgani yo'q.

90` Uchrashuvga 3 daqiqa vaqt qo'shib berildi.

90` Modrich o'rniga Morata tushirildi.

89` Ronaldo bugun "Oltin to'p"ni nega olganligini isbotlay olmadi.

89` Buyog'iga "Barsa" o'z uslubida to'pni saqlab turishga harakat qilishi tabiiy.

88` Inesta nimalar qilmoqda? Maydon markazida "Real" futbolchilarini birin-ketin yosh bolalarcha aldab o'tmoqda. "Real"chilar esa bu vaqtda unga nisbatan qoidani buzishga majbur bo'lishdi.

87` O'yinning so'nggi daqiqalari katta hayajon bilan o'tadi shekilli.

86` Ronaldo qo'pollik ishlatdi va hakam tomonidan ogohlantirildi.

85` Messidan xet-trik! Argentinalik futbolchi Ronaldoga "dars" o'tdi bugun desak mubolag'a bo'lmasa kerak.

84` GOOOOOOOOOOOOOOOOOOOL! Messi! 3:4!

84` Karvaxal Inestani yiqitib qoldi.

83` Penalti! Yana! "Real" darvozasi tomon.

80` O'yin tempi biroz pasaydi.

78` Fabregas o'rniga Sanches maydonga tushdi.

77` "Real" ko'proq himoyalanishga majbur endi.

74` Dani Alveshning kuchli zarbasi darvoza ustuniga tegib qaytmoqda! "Barselona" hisobda oldinga chiqib olishi mumkin edi-ya!

73` Beylning o'ylagan rejalari amalga oshmay qolmoqda. To'g'rirog'i, amalga oshira olmayapti.

70` Qolgan daqiqalarda yana nimalar ruy beradi? Kuzatamiz. Hozircha biroz sokinlik.

68` Neymar maydonni tark etdi. Uning o'rniga Pedro maydonga tushirildi.

67` Voqealar rivoji juda tez suratda o'zgarib ketmoqda. Endi "Real"ga qiyin bo'ladi qolgan daqiqalarda.

66` Benzema o'rniga Varan maydonga tushirildi. "Real" o'yinni bir kishi kam bo'lib davom ettiradi. Karlo Anchelotti Ramosni o'rnini Varan bilan qoplashga qaror qildi.

65` GOOOOOOOOOOOOOOOOL! 3:3! Messi mo'ljalda adashmadi!

63` Penalti! Bu safar "Real" darvozasi tomon! Ramosga esa qizil!

62` Hujumlar davom etmoqda. Bir "Barsa" vaziyatntenglashtirish uchun oldinga intilmoqda. javoban "Real" yana raqib darvozasinin ishg'ol etish maqsadida hujumlar tashkil etmoqda.

60` "Barselona" burchak to'pi tepdi. Inestaning zarbasi gol bo'lishiga yaqin qoldi.

59` Demak davom etamiz. "Real" yana hujumda.

57` Dani Alvesh Ronaldoni yiqitib qoldi. Lekin takroriy lavhada fol jarima maydonchasi tashqarisida bo'lgani ko'rinib qoldi. Bu penaltidan ko'ra, jarima zarbasiga yaqin edi. Lekin Malenko bu vaziyatda 11-metrlik nuqtani ko'rsatdi.

55` GOOOOOOOOOL! Ronaldo! 3:2! 11-metrlik jarima zarbasidan Ronaldo unumli foydanmoqda.

54` Penalti! "Barselona" darvozasi tomon!

53` Beyl ko'rinish berdi. Uning maydon markazidan boshlab kelgan hujumini Karim Benzema ko'ngildagidek tugata olmadi.

50` Ronaldo, Neymar va Beyl hozircha o'rta darajadagi futbol ko'rsatishmoqda. Top darajadan ancha yiroq.

49` "Oltin to'p" sohibi Ronaldo hozircha o'zini ko'rsata olmayapti.

48` "Barselona" burchak to'pi tepdi. Bundan samara chiqmadi.

46` Ikkinchi bo'lim boshlandi! Davom etamiz...

Birinchi bo'lim qahramoni - Di Mariya

Bugun "Real" futbolchilari ikkinchi qavatda "Barsa" himoyachilaridan faolroq harakat qilishmoqda

Benzema golni shunday nishonlamoqda

Birinchi taym statistikasi


- "Real" jamoaviy o'yin evaziga raqibidan kuchliroqdek ko'rinmoqda. "Barselona"da aynan shu jihat etishmayapti. Kataloniya klubida jamoaviy o'yin maqtanarli darajada emas. Gollar esa Messi va Inestaning ijro mahorati evaziga kiritildi.

-Birinchi bo'limda "Real"dan Di Mariya va Benzema, "Barselona"dan Pike va Messini o'yini boshqalarga qaraganda mazmunliroq chiqdi. Asosiy qahramon esa Di Mariya. Ushbu futbolchi bugun o'zining eng yaxshi sifatlarini ko'rsatishda davom etmoqda.

45` Birinchi bo'lim tugadi! Tanaffus!

43` Pepe o'z o'rnida! Goldan keyin Pepe "Barsa" futbolchilari bilan orani ochiq qilishga kirishib ketdi. 

42` GOOOOOOOOOOOOOOOL! Messi! 2:2! "Barselona"ning chiroyli hujumi Messining goli bilan yakunlandi.

40` So'nggi besh daqiqa ichida "Barselona" ko'proq oldinga intilmoqda. Xerardo Martino jamoasi tanaffusgacha vaziyatni o'nglashga harakat qilmoqda.

38` "Barselona"da jamoaviy o'yin ko'zga tashlanmayapti..

37` Fabregasning xatosi "Barsa"ning hujumini to'xtatib qo'ydi. Oddiy vaziyatda Sesk to'pni saqlab qololmadi.

35` Uchrashuvning eng faol futbolchisi Di Mariya hakam tomonidan ogohlantirildi.

33` O'yin shiddati biroz pasaygandek.

30` "Barselona" vaziyatni o'nglashga urinmoqda. Xavini jarimadan tepgan zarbasi jonli devorga tegib qaytdi.

29` "Barselona" himoyasi bugun hech qanday qarshilik qila olmayapti. Benzema jarima maydonchasi ichida istaganicha harakat qilmoqda. Di Mariya esa qanotdan birin-ketin "reyd"lar uyushtirishda davom etmoqda.

26` Di Mariya!!!!! Bugun bu futbolchi juda va juda faol! Hozir yana o'sha joydan va yana o'sha Benzemaga to'pni etkazib berdi. Benzemani zarbasini Pike darvoza chizig'idan qaytarib qoldi. O'yin shiddati yuqori!

24` GOOOOOOOOOOOOOOOOL! Benzema! 2:1! Di Mariya yana o'sha qanotdan to'pni oshirdi. Benzema raqib jarima maydonchasi ichida to'pni osongina qabul qilib oldi va Valdes darvozasiga ikkinchi golni kiritdi. "Real" vaziyatni o'z tomoniga og'darib oldi.

22` "Real"ning ko'p sonli hujumlari nihoyat gol bilan yakunlandi. O'yin shiddat bilan davom etmoqda.

20` GOOOOOOOOOOOOOOOOOL! Benzema! 1:1! Di Mariyaning chap qanotdan etkazib bergan to'pini Karim Benzema boshi bilan Valdes darvozasiga to'pni joylab qo'ydi. Hisob tenglashdi!

18` Ronaldoning jarima maydonchasi tashqaridan yo'llagan zarbasini Valdes katta qiyinchiliksiz ushlab oldi.

15` Messi!!! Argentinalik charm to'p ustasi birga-bir vaziyatdan foydalana olmadi. Uning tepgan to'pi darvoza oldidan o'tib ketdi. Hujumlar yomg'iri davom etmoqda.

14` "Barselona" himoyasida kamchiliklar etarli. Ammo "Real" futbolchilari yuzaga kelayotgan imkoniyatlardan foydalana olishmayapti.

13` Benzema!! Francuz ketma-ket imkoniyatlarni ko'kka sovurmoqda. Karim hozir 5 metrlar masofadan darvozani o'qqa ololmadi.

12` "Barselona" to'p nazoratini o'z qo'liga oldi. 

9` "Real" o'zini yo'qotib qo'ydi. Bu golni Madrid jamoasi kutmagan edi. "Real" oldinga borishga majbur endi.

7` GOOOOOOOOOL Inesta! 0:1! "Barselona" o'yinda hisobni ochmoqda. Messi ajoyib tarzda to'pni Inestaga uzatib berdi va Andreas bu vaziyatda o'zining kuchli zarbasi bilan Lopez darvozasini ishg'ol etdi.

6` Ronaldo hakamdan penalti so'ramoqda. Malenko unga o'rnidan turishini talab qildi. Krishtiano bu vaziyatda nohaq edi. Unga nisbatan o'yin qoidasi buzilmadi.

4` Ronaldo qanotdan faollik bilan oldinga intildi. Lekin uning harakatlarini mehmonlar himoyachilari payqab qolishdi va to'pni olib qo'yishdi. Javoban "Barsa" qarshi hujumda harakat qildi. Neymarning zarbasini Lopez qaytarib qoldi.

3` "Real" o'yinni hujumkorlik bilan boshladi.

1` Uchrashuvga start berildi! Navbatdagi "el-klasiko" boshlandi! Demak kuzatamiz! Jamoalar bizni zeriktirib qo'yishmaydi deb umid qilamiz! Kettik!

-Jamoalar maydonga chiqib kelishmoqda.

"Santyago Bernabeu" stadioniga muxlislar kelishi davom etmoqda

-Ronaldo - Messi, Beyl - Neymar, Alonso - Xavi, Modrich - Inesta, Ramos - Pike bugun bir-birlariga qarshi harakat qilishadi. Bu ajoyib qarama-qarshilik. O'yin qiziqarli kechishi kutilmoqda. Karlo Anchelotti Xerardo Martinodan birinchi davradagi mag'lubiyat uchun alamini olishga harakat qilib ko'radi.

Bugun bu ikkala jamoa o'rtasida juda katta bahs bo'lib o'tadi. Omad kimga kulib boqadi? Yoki kim kuchliligini maydonda isbotlay oladi? Bu savollarga sanoqli daqiqalardan so'ng javob olamiz!
-Uchrashuv boshlanishiga sanoqli daqiqalar qolmoqda.


Jamoalar tarkibi aniq.
Uchrashuvni Siz aziz futbol ishqibozlariga SHahboz Beg'amov matnli onlayn tarzda sharhlab boradi.

- Bugun saytimiz orqali "Real" - "Barselona" o'yinidan matnli onlayn translyaciyani amalga oshiramiz. Saytimizdan uzoqlashmang!

Uchrashuv soat 01:00da boshlanadi.

Ispaniya chempionati, 29-tur.

"Real" - "Barselona" 3:4

"Santyago Bernabeu" stadioni.


Hakamlar:
Undiano Malenko, Roberto Dias, Xesus Kalvo Guadomuro.

Gollar: Inesta (7), Benzema (20, 24), Messi (42, 65, 84), Ronaldo (55-penaltidan).

"Real":
Diego Lopez, Pepe, Ramos, Ronaldo, Benzema, Beyl, Marselo, Alonso, Karvaxal, Modrich, Di Mariya.

"Barselona":
Valdes, Alvesh, Pike, Maskerano,  Alba, Buskets, Xavi, Inesta, Fabregas, Messi, Neymar. 

Ogohlantirish: Di Mariya (35)
Reyting:    

Fikrlar

championat.asia
< so’nggi yangiliklarni ko’rish
Яндекс.Метрика