Ravshan Haydarov: "Bo'lajak uchrashuvlarda g'alaba qozonib muxlislarni xursand qilmoqchimiz"

Kutib olish marosimida O'zbekiston olimpiya terma jamoasi bosh murabbiyi Ravshan Haydarov Keniya OTJga qarshi bo'lajak o'yinlar haqida o'z fikrlarini bildirib o'tdi.

"Farg'onalik futbol ixlosmandlari bizni yuqori darajada kutib olishdi. Buning uchun ularga katta rahmat.

23 va 26 mart kunlari Keniya olimpiya terma jamoasiga qarshi ikkita o'rtoqlik uchrashuvini o'tkazamiz. Bu o'yinlarga jiddiy tayyorganlik ko'rdik.

26 mart kuni “Istiqlol” stadioni xuddi 2015 yilgi Yangi Zelandiya bilan bo'lgan uchrashuvdagi kabi to'lib-toshishiga ishonamiz. Vodiyda futbolni juda yaxshi ko'rishadi. Biz ham chiroyli o'yinimiz va g'alabalarimiz bilan muxlislarni xursand qilishga harakat qilamiz", - dedi Ravshan Haydarov.